Onlayn ictimai-siyasi qəzet
Balakəndə toyda KÜTLƏVİ DAVA: saxlanılanlar var
Balakəndə toyda kütləvi dava olub.
Lent.az-ın əldə etdiyi məlumata görə, hadisə rayon mərkəzində yerləşən şadlıq evində qeydə alınıb. Məclisə yığışan bir qrup gənc arasında söyüş üstündə mübahisə düşüb. Mübahisə sonradan davaya keçib. Toydan çıxan gənclər davanı başqa yerdə davam elətdiriblər.
Nəticədə 1990-cı il təvəllüdlü Abdullayev Azər Yaşar oğlu xəsarət alıb.
Hadisəni törətməkdə şübhəli bilinən 1999 təvəllüdlü Soltan Cindarov, 1999 təvəllüdlü Novruz Abdullayev və 1999 təvəllüdlü Elməddin Piriyev saxlanılıblar.
Daxili İşlər Nazirliyinin mətbuat xidmətinin Şəki regional qrupunun baş inspektoru Mahir Mənsimov Lent.az-a bildirib ki, faktla bağlı məhkəmə-tibbi ekspertizası təyin olunub. Ekspertiza rəyindən və aparılan araşdırmadan sonra müvafiq qərar qəbul ediləcək.
XƏBƏR LENTİ
25 Noyabr 2024
ŞƏRHLƏRŞƏRH YAZ