Onlayn ictimai-siyasi qəzet
Bakıda bina tikən bu şirkətin problemləri bitmir - Vergi borcu da yaranıb
Bakıda çoxmərtəbəli binaların tikintisi ilə məşğul olan MTK-nın külli miqdarda vergi borcu yaranıb.
Musavat.com xəbər verir ki, söhbət “Rifah Plaza” MTK-dan gedir. Şirkətin 184 min manat vergi borcu var.
Qanuni təmsilçisi İdris Babayev olan şirkətin nizamnamə kapitalı 10 manat olaraq göstərilir.
MTK bir neçə dəfə də cərimələnib. Vergilər Nazirliyi MTK-nı əhali ilə pul hesablaşmalarının aparılması qaydalarına riayyət etmədiyini aşkar edib və 1000 manat maliyyə sanksiyası tətbiq edib. Həmçinin vergi öhdəlikləri üzrə bəyannamələrin vaxtında təqdim etməməyə görə də MTK-ya maliyyə sanksiyası tətbiq edilib.
Şirkətin üz-üzə qaldığı problemlər bununla da yekunlaşmır. Bir müddət əvvəl isə şirkəti Fövqəladə Hallar Nazirliyi cərimələmişdi.
"Rifah Plaza” İnzibati Xətalar Məcəlləsinin 394.0.7-ci (tikintiyə dövlət nəzarəti çərçivəsində tikinti işləri ilə bağlı müvafiq icra hakimiyyəti orqanının Şəhərsalma və Tikinti Məcəlləsi ilə müəyyən edilmiş yazılı göstərişlərinə və tikinti işlərinin dayandırılması ilə bağlı qərarlarına, habelə tikintisinə icazə tələb olunan açıq məkanda reklam qurğularının tikintisi işləri ilə bağlı müvafiq icra hakimiyyəti orqanının yaratdığı qurumun həmin məcəllə ilə müəyyən edilmiş yazılı göstərişlərinə və qərarlarına əməl etməməyə görə) maddəsi ilə təqsirli bilinmişdi.
İ.Muradov,
Musavat.com
XƏBƏR LENTİ
05 Fevral 2025
ŞƏRHLƏRŞƏRH YAZ