Onlayn ictimai-siyasi qəzet
Almaniya kəşfiyyatının rəisindən Putinin planları barədə SENSASİON AÇIQLAMA
Almaniya Federal Kəşfiyyat Xidmətinin (BND) rəhbəri Bruno Kahl, Rusiyanın Qərbin birliyini sınaqdan keçirməyə çalışdığını bildirib.
Musavat.com xəbər verir ki, o, Deutsche Welle-yə verdiyi müsahibədə Moskvanın NATO-nun 5-ci maddəsinin icrasını şübhə altına almağa çalışa biləcəyini qeyd edib.
“Rusiyada, 5-ci maddənin etibarlılığını yoxlamaq ssenariləri müzakirə edilir. Ümid edirik ki, bu baş verməyəcək. Lakin bunu tamamilə istisna etmək olmaz”, – deyə Kahl vurğulayıb.
NATO-nun 5-ci maddəsi nə deyir?
NATO-nun 5-ci maddəsi alyansın kollektiv müdafiə prinsipinin əsasını təşkil edir: hər hansı bir üzv ölkəyə edilən hücum, bütün NATO ölkələrinə edilən hücum hesab olunur.
Bruno Kahlın sözlərinə görə, Rusiya Qərbin bu prinsipi yerinə yetirmək iradəsini sınaqdan keçirməyə cəhd göstərə bilər. O, NATO ölkələrinin həmrəyliyini qorumasının vacib olduğunu vurğulayıb.
Qeyd edək ki, son aylarda Rusiya ilə NATO arasında münasibətlər daha da gərginləşib. Xüsusilə, Baltikyanı ölkələr və Polşa Moskvanın təxribatlarının artdığını iddia edir və Alyansın şərq cinahında hərbi hazırlığın gücləndirilməsini tələb edirlər.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ