Onlayn ictimai-siyasi qəzet
Afrikanın beş ölkəsi fransız milyarderi məhkəməyə verdi
Afrikanın beş ölkəsindən ibarət qrup Fransanın aparıcı sahibkarlarından biri, milyarder Vinsent Bolloreyə qarşı saxtakarlıq və korrupsiya ittihamı ilə məhkəməyə müraciət edib.
Musavat.com xəbər verir ki, məlumatı Club of Mozambique portalı yayıb. Bildirilir ki, Qana, Qvineya, Fil Dişi Sahili, Kamerun və Toqo Bollore və onun oğullarından birinin Qara Qitədəki dəniz limanlarını idarə etmək üçün qeyri-qanuni güzəştlər əldə etdiklərini və bundan qeyri-qanuni olaraq varlandığını iddia edirlər.
Milyarderin 2022-ci ildə satdığı Bollore biznesinin limanları və logistika bölməsi 20 Afrika ölkəsində 20.000-dən çox insanın işlədiyi, qitədə anbarları və digər nəqliyyat mərkəzləri olan 16 limanı idarə edirdi. Bollorenin kiçik oğlu Kiril 2019-cu ildə atasından bölməni təhvil almışdı.
“Afrika üçün restitusiya” şüarı altında birləşən beş ölkə Bollore və onların şirkətlərini limanların idarə edilməsindən qeyri-qanuni gəlir əldə etməkdə və logistika biznesinin satışı ilə pulların yuyulmasında ittiham edir. Müstəntiqlər həmçinin Bolloré şirkətinin Lome və Konakri limanlarında güzəştlər müqabilində 2010-cu ildə Toqoda Faure Gnassingbe və Qvineyadakı Alpha Conde prezidentlik kampaniyalarını qanunsuz olaraq dəstəklədiyinə dair iddiaları araşdırır. Kamerun (Douala və Kribi), Qana (Tema) və Kot-d'İvuar (Abidcan) limanları üçün qeyri-qanuni güzəştlərin əldə edilməsindən də söhbət gedir.
"Forbes" jurnalının məlumatına görə, Bollore ailəsinin sərvəti 9,9 milyard dollar olaraq qiymətləndirilir.
Musavat.com
XƏBƏR LENTİ
21 Mart 2025
20 Mart 2025
ŞƏRHLƏRŞƏRH YAZ