Onlayn ictimai-siyasi qəzet
ABŞ Suriyanın yeni hakimiyyətinə kəşfiyyat məlumatı ötürüb
ABŞ Suriyanın yeni rəhbərliyini tanımaq istəməsə də, İslam Dövləti (İD) terror qruplaşmasının yaratdığı ümumi təhdidlərlə bağlı Suriyanın yeni hakimiyyət orqanları ilə həssas kəşfiyyat məlumatlarını paylaşıb.
Musavat.com xəbər verir ki, bu məlumatı ABŞ-ın indiki və keçmiş rəsmilərinə istinadla The Washington Post yayıb.
Bildirilir ki, ABŞ kəşfiyyat rəsmiləri Suriyanın yeni rəhbərliyinin əsasında qayanan Heyət Təhrir əl-Şamla əlaqə saxlayıb və həm Suriyada, həm də “adı çəkilməyən üçüncü ölkədə” birbaşa görüşlər keçiriblər. Məlumata görə, mübadilələr yeni Suriya hökuməti hakimiyyətə gəldikdən iki həftə sonra başlayıb.
Adı açıqlanmayan rəsmilərin sözlərinə görə, kəşfiyyat məlumatlarının mübadiləsi İŞİD-in potensial təhlükələrinə qarşı yönəlib və “bunun ən bariz nümunələrindən biri Suriyanın yeni təhlükəsizlik qüvvələri tərəfindən şiələrin məşhur ziyarətgahı - Dəməşqin kənarında Seyyidə Zeynəbin ziyarətgahına planlaşdırılan hücumun qarşısının alınmasıdır.
ABŞ kəşfiyyat orqanlarının ələ keçirdikləri və topladıqları kəşfiyyat məlumatlarına əsasən Suriya hakimiyyətinə xəbərdarlıq göndərdikləri üçün yanvarın 11-də hücumun qarşısının alınması mümkün olub.
Keçmiş bir ABŞ rəsmisinin sözlərinə görə, bu kəşfiyyat məlumatlarının paylaşılması "etibarlı, konkret məlumatın mövcudluğu və bu uşaqlarla əlaqələr qurmaq səylərimizlə birlikdə edilməsi lazım olan düzgün, ehtiyatlı və məqsədəuyğun iş idi".
Musavat.com
XƏBƏR LENTİ
27 Yanvar 2025
ŞƏRHLƏRŞƏRH YAZ