Onlayn ictimai-siyasi qəzet
ABŞ nazirindən ölkənin nüvə arsenalı barədə ŞOK açıqlama: Köhnəlib
ABŞ özünün nüvə silahı arsenalını modernləşdirməlidir.
Musavat.com xəbər verir ki, bunu ölkənin energetika naziri Kris Rayt "Fox News"a müsahibəsində deyib.
O bildirib ki, İkinci Dünya müharibəsi zamanı ABŞ Manhetten layihəsi vasitəsilə "inanılmaz" nailiyyət əldə edib:
"O, dünyada ilk atom silahını yaratdı. Bu, müharibəni erkən bitirməyə, on və ya yüz minlərlə amerikalının həyatını xilas etməyə imkan verdi və Soyuq müharibədəki qələbəmizin əsasını qoydu. Sonra üç onillik bir dövr gəldi ki, heç bir yeni nüvə silahı yaradılmadı və bütün arsenalımız köhnəldi. İndi bizə lazım olan nüvə ehtiyatlarımızı artırmaq deyil, silahlarımızı modernləşdirməkdir".
Kris Rayt vurğulayıb ki, nüvə silahları ilə bağlı əsas məsələ ondan istifadə etməməkdir:
"Bundan istifadə etməmək üçün dünya 100 faiz əmin olmalıdır ki, ABŞ silah texnologiyası, etibarlılıq və ehtiyatların qiymətləndirilməsi üzrə liderdir. Bizim mövqeyimiz bu gün güclüdür, lakin bir neçə ildən sonra bu məsələyə diqqət yetirən prezidentin rəhbərliyi altında daha da güclənəcək".
Musavat.com
XƏBƏR LENTİ
01 Aprel 2025
ŞƏRHLƏRŞƏRH YAZ