Onlayn ictimai-siyasi qəzet
ABŞ Konqresi Trampın qələbəsini təsdiqləmək üçün toplaşır - 4 il əvvəlki hadisə təkrarlanmır
ABŞ Konqresi yanvarın 6-da Nümayəndələr Palatasının və Senatın xüsusi birgə iclasında ABŞ prezidenti və vitse-prezidenti seçkilərinin nəticələrini təsdiq etməli və respublikaçı Donald Tramp və J.D.Vansin qələbəsini təsüdiqləməlidir.
Musavat.com xarici agentliklərə istinadən xəbər verir ki, bu prosedur mahiyyətcə formal xarakter daşıyır. Burada hər bir ştatdan gələn seçicinin səsverməsi ilə bağlı məlumatlar oxunur. Nümayəndələr Palatasının üzvləri və ya senatorlar müəyyən bir ştatda nəticələrə etiraz edə bilərlər, lakin adətən bu, yalnız kiçik prosedur gecikmələrinə səbəb olur və sertifikatlaşdırma prosesi seçkinin qalibi ABŞ-ın gələcək prezidenti elan olunana qədər davam edir.
Bununla belə, 2021-ci ildə Co Baydenin o vaxtkı prezident Tramp üzərində qələbəsini təsdiq etməli olan Konqresin iclası zamanı yüzlərlə zorakı Tramp tərəfdarlarının Kapitol binasına sorla daxil olub və iclasın yarıda qalmasına səbəb olmuşdu. Həmin vaxt Tramp tərəfdarları proseduru pozmağa çalışıblar.
ABŞ rəsmiləri 6 yanvar 2021-ci il hadisələrini qiyam cəhdi kimi səciyyələndirib. Qarşıdurmalar zamanı bir neçə nəfər həlak olub. Sertifikatlaşdırma proseduru nəhayət bir neçə saatlıq gecikmə ilə tamamlanıb. Bunun nəticəsində Tramp prezidentlik müddətini bitməsinə 2 həftə qalmış impiçmentə məruz qalıb(sonradan Senat onu mühakimə etməkdən imtina edib). Kapitoli işğalında iştirak edən yüzlərlə adam, həbs cəzasına (bəziləri uzun müddət) məhkum edilib. Trampın özünə qarşı cinayət işi açıldı, lakin məhkəməyə getməyib
Şərhçilər qeyd edirlər ki, bu il 2021-ci ildə sertifikatlaşdırma proseduruna təsir göstərməyə çalışan Trampın özü də bu il seçilmiş prezident kimi bunu gözləyir. Bu dəfə Kapitoli binasında etirazlar gözlənilmir: Demokratlar Trampın qələbəsini tanıyıblar. Respublikaçılar Konqresin hər iki palatasında çoxluğa malikdirlər və bu, seçki nəticələrinin təsdiqlənməsinə zəmanət verir. Bununla belə, Vaşinqtonda təhlükəsizlik tədbirləri gücləndirilib. Medianın qeyd etdiyi kimi, görüşə mane ola biləcək yeganə şey bu saatlarda Vaşinqtonu bürümüş qar fırtınasıdır.
Musavat.com
XƏBƏR LENTİ
08 Yanvar 2025
07 Yanvar 2025
ŞƏRHLƏRŞƏRH YAZ