Onlayn ictimai-siyasi qəzet
ABŞ-ın F-35 proqramının dəyəri açıqlandı: 10 faiz bahalaşma var
“Lockheed Martin” şirkətinin istehsalı olan Amerikanın beşinci nəsil F-35 qırıcılarının hazırlanması və istehsalının dəyəri təxminən 10 faiz artıb.
Musavat.com xəbər verir ki, bu məlumatı Bloomberg yayıb.
Məlumata görə, mühərrikin təkmilləşdirilməsi xərcləri rəsmi hesablamaya daxil edildikdən sonra qırıcı istehsalının ümumi dəyəri təxminən 485 milyard dollar təşkil edir ki, bu da F-35 proqramını Amerika silah sistemləri arasında ən bahalısına çevirir. Əvvəlki 442 milyard dollarlıq xərc smetasına bu ilin əvvəlində yenidən baxılmışdı, lakin indiki məlumat yalnız Müdafiə Nazirliyinin proqramla bağlı son hesabatında açıqlanıb.
Xərc artımının böyük hissəsi təyyarənin mühərrikinin, xüsusilə onun “istilik enerjisinin idarə edilməsi” sisteminin təkmilləşdirilməsi xərcləri ilə bağlıdır. Bu tədbirlər təyyarənin daha güclü proqram təminatı, radar və digər komponentlərinin soyudulmasını yaxşılaşdırmaq üçün lazımdır.
Bu təkmilləşdirmələr Pentaqonun qırıcının təxmin edilən xidmət müddətini 2077-ci ildən 2088-ci ilə qədər uzatması səbəbindən zəruri olub. Bu günə qədər ABŞ ordusuna və beynəlxalq tərəfdaşlarına 1000-dən çox F-35 qırıcısı çatdırılıb. Proqram çərçivəsində 3000-dən çox təyyarə istehsalı planlaşdırılır.
Yaxın illərdə Avropada 700-dən çox F-35 qırıcısı fəaliyyət göstərəcək, lakin onlardan yalnız 60-ı ABŞ-a məxsus olacaq və idarə olunacaq.
Musavat.com
XƏBƏR LENTİ
26 Noyabr 2024
25 Noyabr 2024
ŞƏRHLƏRŞƏRH YAZ