Onlayn ictimai-siyasi qəzet
ABŞ Braziliya məmularına viza sanksiyası tətbiq edib
ABŞ Dövlət Departamenti Kuba hökuməti tərəfindən həyata keçirilən tibb işçiləri də daxil olmaqla işçilərin məcburi əmək alverində əli olan bir neçə braziliyalı məmura viza məhdudiyyəti qoyub.
Musavat.com xəbər verir ki, məlumat dövlət katibi Marko Rubionun bəyanatında yer alıb.
Bəyanatda qeyd olunur ki, ABŞ Dövlət Departamenti Mais Médicos proqramı çərçivəsində Kuba rejiminin işçi qüvvəsinin ixracı sxemində iştirak etdiklərinə görə Braziliyanın bir neçə hökumət rəsmisi, Pan Amerika Səhiyyə Təşkilatının (PAHO) keçmiş əməkdaşları və onların ailə üzvlərinə vizanın ləğv olunması və viza məhdudiyyətləri tətbiq etmək üçün tədbir görüb: "Bu məmurlar Kuba rejiminin Kuba tibb işçilərini məcburi əmək vasitəsilə istismar edən məcburi əməyin ixracı sxeminə görə məsuliyyət daşıyırdılar və ya bu sxemdə iştirak edirdilər. Bu sxem korrupsiyalaşmış Kuba rejimini zənginləşdirir və Kuba xalqını əsas səhiyyə xidmətlərindən məhrum edir".
Bəyanatda qeyd olunur ki, “Braziliyanın Mais Médicos proqramı çərçivəsində məmurlar PAHO-dan Kuba diktaturası ilə əlaqə kimi istifadə ediblər” və “Kuba rejiminə Kuba səhiyyə işçiləri üçün nəzərdə tutulan pul” ödəyiblər. Sənədə əsasən, Dövlət Departamenti, xüsusilə, Mais Médicos proqramı çərçivəsində Braziliya Səhiyyə Nazirliyində işləyən və Kubadan məcburi işçi ixracının həyata keçirilməsində iştirak edən iki məmurun vizasını ləğv edib.
Qeyd edək ki, bundan əvvəl Dövlət Departamenti Kuba hakimiyyətinin həyata keçirdiyi məcburi əməyin ixracı proqramı ilə əlaqədar Afrika, Kuba və Qrenadadan olan məmurlara viza məhdudiyyətləri tətbiq edib.
Musavat.com
XƏBƏR LENTİ
14 Avqust 2025
ŞƏRHLƏRŞƏRH YAZ