Onlayn ictimai-siyasi qəzet
70 günə 8600 km məsafə qət edən velosipedçi Vladivostoka buraxılmadı
Rusiyanın Primorsk diyarında velosipedlə 8600 kilometr yol qət edən səyahətçi marşrutun son nöqtəsinin girişində polis tərəfindən saxlanılıb.
Musavat.com xəbər verir ki, bu barədə News.VL Telegram kanalı məlumat yayıb.
Bildirilir ki, rus velosipedçi iyunun sonunda Rusiya boyu səyahətə çıxıb. O, 70 günlük yolda velosipedi ilə 8600 kilometr yol qət edib, lakin Primorsk polisi onun planını sona qədər həyata keçirməsinə mane olub.
Sentyabrın 10-dan 13-dək şəhərdə keçirilməsi planlaşdırılan Şərq İqtisadi Forumu (EEF) ilə əlaqədar Vladivostokun girişində velosipedçidən səyahətini dayandırmağı tələb ediblər.
İdmançı vilayət paytaxtına gedərkən onu saxlayan və avtobusdan istifadə etməyi təklif edən polisə qəzəbini bildirmək üçün video çəkib.
Foruma gələnlərə görə planlarını dəyişmək fikrində olmadığını deyən narazı rus tədbirin bu cür təşkilinin ölkədə turizmin inkişafına mane olduğuna diqqət çəkib.
Həmin şəxsin hüquq-mühafizə orqanlarına etdiyi şikayətlərdən sonra velosiped sürməyə davam edib-etmədiyi məlum deyil.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ