Onlayn ictimai-siyasi qəzet
Çin TikTok-dan Trampa qarşı təzyiq vasitəsi kimi istifadə edir
Çin Amerika ilə ticarət danışıqlarında maksimum fayda əldə etdiyinə əmin olana qədər TikTok proqramının Amerika investorlarına satışına dair razılaşmanı təsdiqləməyəcək.
Musavat.com xəbər verir ki, məlumatı New York Post mənbələrə istinadən yayıb.
“Trampın hələ də satıcısı yoxdur”, - mənbə bildirib. Onun sözlərinə görə, Pekin sövdələşməyə getmir və bu məsələni daha geniş ticarət danışıqlarında gündəmə gətirməyə çalışır. Qəzet qeyd edir ki, bu səbəbdən proqramın əldə edilməsi ilə bağlı sövdələşmədə iştirak edən bankirlər və investorlar ABŞ prezidenti Donald Trampın “çox zəngin insanlardan ibarət bir qrup”un TikTok-u almağa hazır olduqları barədə bəyanatından məəttəl qalıblar.
Tramp iyunun 19-da bildirib ki, o, ABŞ-da TikTok qısa videolarının yaradılması və baxılması xidmətinin bloklanmasının möhlətini 90 gün, yəni sentyabrın 17-nə qədər uzadıb. Qanunun qüvvəyə minməsindən təxminən beş ay keçib, ona əsasən, TikTok-un ana şirkəti ByteDance onu satmasa, ABŞ-da qadağan edilməlidir. Tramp yanvarın 20-də andiçmə mərasimindən sonra fərman imzalayıb, buna əsasən ABŞ-da bu platformanın bloklanması ən azı 75 gün təxirə salınıb. O, həmçinin jurnalistlərə ABŞ-ın TikTok-un yarısına sahib olmaq hüququna malik olduğunu deyib, lakin bunun dəqiq nə demək olduğunu açıqlamayıb.
Musavat.com
XƏBƏR LENTİ
05 Iyul 2025
04 Iyul 2025
ŞƏRHLƏRŞƏRH YAZ