Onlayn ictimai-siyasi qəzet
Tanınmış daşnaqdan erməniləri qorxudan yazı: Ermənistan Azərbaycanın əyalətinə çevriləcək
Daşnak yazar: "Azərbaycan prezidenti dövlətçiliyimizi sarsıtmaq üçün strategiyaya malikdir"
Erməni İnqilabi Federasiyasının (Daşnaksutyun) ABŞ-da işıq üzü görən həftəlik jurnalı olan “Armenian Weekly” nəşrində “Ermenistan: The new province of Azerbaijan?” (Ermənistan: Azərbaycanın yeni əyaləti?) adlı məqalə gedib. Maraqlıdır ki, ermənilər ingilis dilində gedən məqalədə Ermənistan sözünü məhz azəri türkcəsində yazıblar. Məqalədə deyilir ki, son illər ərzində Azərbaycan Ermənistana qarşı "təcavüzkar siyasət" yürüdür. Bu isə Ermənistanın suverenliyi və gələcəyi ilə bağlı narahatlıq yaradır.
Məqalənin müəllifi olan Ara Nazarian həyasızcasına yazır ki, Azərbaycan "artsax"ı və Ermənistan ərazinin bir hissəsini "işğal" edib:
"Bütün bunlar azmış kimi, Azərbaycanın son tələbləri bir daha ondan xəbər verir ki, onlar Ermənistan dövlətçiliyini sarsıtmaq üçün daha geniş strategiyaya malikdir. 2020-ci ildən Azərbaycan Ermənistanın 200 kvadrat kilometr ərazisini "işğal edib", öz bayrağını strateji yüksəkliklərə sancıb. Bu hərbi təcavüz Ermənistanın siyasi və mədəni mənzərəsini yenidən formalaşdırmaq üçün bir sıra tələblərlə müşayiət olunur. Azərbaycan tərəfi təkid etdi ki, Ermənistan "artsax"ın öz müqəddəratını təyinetmə hüququna və 1915-ci il erməni soyqırımına heç bir istinada yol vermədən yeni konstitusiya qəbul etməlidir. Bu tələblər təkcə ərazi mübahisələri ilə bağlı deyil. Bu tələblər Ermənistanın tarixi gerçəkliyinə və milli kimliyinə birbaşa meydan oxumaqdan başqa bir şey deyil”,-deyə daşnaq yaza bildirib.
Ara Nazarian
Daşnak yazar qeyd edir ki, İlham Əliyevin strategiyasının əsas komponenti ondan ibarətdir ki, “Qərbi azərbaycanlılar Ermənistana köçürülməli”dir. Bu plan 300.000 azərbaycanlının silahlı birləşmələr yaratmaq və üçüncü ölkənin, ehtimal ki, Türkiyənin əsgərləri tərəfindən müdafiə olunmaq hüququ ilə Ermənistana qaytarılmasını nəzərdə tutur. Azərbaycanın tələbləri mədəni və təhsil hüquqlarını, o cümlədən erməni vergi ödəyicilərinin Azərbaycan dilində təhsil və məscid tikintisini maliyyələşdirməsini əhatə edir. Bu plan baş tutarsa, Ermənistanda demoqrafik tarazlıq pozulacaq.
Məqalənin sonunda müəllif həyəcan təbili çalaraq yazır ki, bu tələblər yerinə yetirilərsə, İlham Əliyevin Sovet İttifaqının dağılmasından sonra Ermənistanın etnik təmizləmə aparması ilə bağlı revizionist iddiaları qanuniləşəcək. Bu uydurma iddialar məcburi köçkün azərbaycanlılar üçün kompensasiya və “Ailələrin birləşmə planı” çərçivəsində Ermənistana məhdudiyyətsiz immiqrasiya kimi əlavə tələblərə yol aça bilər. "Bu ssenaridə ermənilər öz ata-baba torpaqlarında azlığa çevrilərək öz xarakterini və suverenliyini itirə bilər…"
Daşnak yazar bildirir ki, İlham Əliyevin tələblərinin nəticələri dərinə gedəcək və Ermənistanı Türkiyə-Azərbaycan ittifaqının təsiri altında olan “Ermənistan” əyalətinə çevirməklə hədələyir:
"Beynəlxalq ictimaiyyət vəziyyətin ağırlığını anlamalı və Ermənistanın öz müqəddəratını təyinetmə hüququnu və tarixi həqiqəti dəstəkləməlidir. Azərbaycan təzyiqlərini davam etdirdikcə, Ermənistan milli mübarizəsinin kritik mərhələsi ilə üz-üzədir və buna uyğun plan hazırlamaq üçün xarici təhdidlərin ciddi qiymətləndirilməsi tələb olunur…"
Elbəyi HƏSƏNLİ, SÜRİX 
YAZARIN DİGƏR YAZILARI
01 Oktyabr 2024
22 Sentyabr 2024
21 Sentyabr 2024
14 Sentyabr 2024
06 Sentyabr 2024
05 Sentyabr 2024
02 Sentyabr 2024
30 Avqust 2024
28 Avqust 2024
25 Avqust 2024
23 Iyun 2024
22 Iyun 2024
16 Iyun 2024
10 Iyun 2024
05 Iyun 2024
25 May 2024
23 May 2024
15 May 2024
03 May 2024
02 May 2024
04 Aprel 2024
03 Aprel 2024
01 Aprel 2024
27 Mart 2024
23 Mart 2024
20 Mart 2024
17 Mart 2024
16 Mart 2024
14 Mart 2024
ŞƏRHLƏRŞƏRH YAZ