İnsanlara hürriyət, millətlərə istiqlal!

ABŞ və Rusiya prezidentləri Bakıda görüşə bilər - Stiv Uitkoffun Azərbaycana uçmasının sirri açıldı

“The Jerusalem Post” yazır ki, Donald Trampın şəxsi nümayəndəsi Stiv Uitkoff Moskvadan birbaşa Bakıya uçub.

Xatırladaq ki, bu barədə dünən Musavat.com saytı da daxil, Azərbaycan mediası da yazıb.

Bu, İsrail, ABŞ və Azərbaycan arasında yaxşı əlaqələndirilmiş diplomatik addım kimi görünür.
Nəşr xatırladır ki, İsrailin Baş Naziri Benyamin Netanyahu Knessetdəki (parlament) Azərbaycanla bağlı bəyanatından və yüksək səviyyəli ravvinlərin D.Trampa ünvanlandığı dəstək məktubundan sonra proses sürətlənib.

Rusiyanın RIA xəbər agentliyi Stiv Uitkoffun Moskvadan birbaşa Bakıya uçması barədə məlumat yayıb. Rəsmi təsdiq olunmasa da bəzi mənbələr Stiv Uitkoff-un Vladimir Putinlə gizli danışıqlar apardığını bildirir.

İsrail-Azərbaycan münasibətlərindən xəbərdar olan mənbələr deyir ki, martın 5-də Baş nazir Benyamin Netanyahunun Knessetdə ölkələr arasında üçtərəfli (ABŞ-İsrail-Azərbaycan) tərəfdaşlığı barədə verdiyi bəyanatdan sonra proses xüsusi vüsət alıb.

Bu arada yüksək rütbəli ravvinlərin prezident D. Trampa "Avraam (İbrahim) müqaviləsi"nin (ing. Abraham Accords) genişləndirilməsinə və İsrail, ABŞ və Azərbaycan arasında strateji müttəfiqliyin gücləndirilməsinə çağırış edib. Bu önəmli məktub siyasi və diplomatik dəhlizlərdə böyük rezonans doğurub. Həmin məktub Bakıya olan xüsusi səfərə birbaşa təsir göstərib.
Bakı ABŞ və Rusiya arasında vasitəçi ola bilər.

Təxminən iki ay əvvəl Begin-Sadat Mərkəzi Bakının Vaşinqton və Moskva arasında vasitəçi ola biləcəyi ehtimalını təqdim edən mühüm mövqe sənədi dərc etdi. Nəşr Amerika və İsrail mediasında böyük diqqətə layiq görüldü və bu, cari səfərə xüsusilə məna yükləyib.

Stiv Uitkoff-un Moskvadan birbaşa Bakıya səfəri ekspertlərin Azərbaycanın qarşıdakı dövrdə qlobal diplomatiyada əsas rol oynaya biləcəyi ilə bağlı fikirlərini gücləndirir.

Qəzet məqalənin sonunda bildirir ki, diplomatik dairələr Bakıdakı hadisələri diqqətlə izləyir, adıçəkilən ölkələr arasında üçtərəfli münasibətlərin necə inkişaf edəcəyini gözləyir.

İsrail mediasındakı bu məqalə bir daha onu göstərir ki, Azərbaycan böyük oyunlarda da diqqət mərkəzində olmağı bacarır. Heç şübhəsiz ki, bu, Azərbaycanın yeritdiyi xarici siyasət kursunun uğurundan xəbər verir.

Elbəyi HƏSƏNLİ, SÜRİX

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

31.03.2025 15

Trampın siyasətində məntiq varmı?..

31.03.2025 164

Tramp 3-cü “kruq” gəlir - O, sələfi Ruzveltin iş, Karterin yaş ömrünə ümid edir
30.03.2025 1188

Ermənistan ötən gecə dronlarla Azərbaycana sülh müqaviləsi göndərirmiş?...

YAZARIN DİGƏR YAZILARI

21 Mart 2025

20 Mart 2025

18 Mart 2025

17 Mart 2025

15 Mart 2025

14 Mart 2025

13 Mart 2025

12 Mart 2025

11 Mart 2025

10 Mart 2025

08 Mart 2025

07 Mart 2025

06 Mart 2025

05 Mart 2025

04 Mart 2025

03 Mart 2025

14 Dekabr 2024

09 Dekabr 2024

01 Oktyabr 2024

22 Sentyabr 2024

21 Sentyabr 2024

14 Sentyabr 2024

06 Sentyabr 2024

05 Sentyabr 2024

02 Sentyabr 2024

30 Avqust 2024

28 Avqust 2024

25 Avqust 2024