Onlayn ictimai-siyasi qəzet
Zelenskindən Putinə ağır sözlər və hədələr
Ukrayna prezidenti Müstəqillik Günü ilə bağlı ölkə vətəndaşlarına müraciət edib. Volodimir Zelenskinin sözlərinə görə, onun videomüraciəti Rusiyanın Kursk vilayəti ilə həmsərhəd olan Sumı vilayətində qeydə alınıb.
“Bu gün biz Ukraynanın 33-cü Müstəqillik Gününü qeyd edirik. Düşmənin torpağımıza gətirdiyi isə indi öz evinə qayıdıb. Kim bizim torpaqlarımızı bufer zonaya çevirmək istəyirsə, düşünməlidir ki, onun ölkəsi bufer federasiyaya çevrilməsin”, – Zelenski qeyd edib.
Zelenski Rusiya prezidentinin adını çəkmədən Vladimir Putini “Qırmızı Meydanda olan xəstə baba” adlandırıb və Rusiyanı “dünyanın bir nömrəli terror təşkilatı” adlandırıb.
“Qırmızı Meydandan olan və hər kəsi daim qırmızı düymə ilə hədələyən xəstə baba, qırmızı xətlərin bizə diktə etməyəcək”, - deyə Zelenski bildirib.
Bundan əlavə, Zelenski Müstəqillik Günü münasibətilə keçirilən bayram tədbirləri zamanı bildirib ki, avqustun 24-də Ukrayna hərbçiləri ilk dəfə yeni silahla - “Palyanitsa” pilotsuz uçan aparatlı raketlə Rusiya ordusunun mövqelərinə zərbələr endiriblər. Zelenski raketin harada və hansı hədəflərə qarşı istifadə edildiyini açıqlamayıb.
“Bu, təcavüzkara qarşı yeni cavab üsulumuzdur. Düşmən məğlub oldu. Bunu mümkün edən hər kəsə təşəkkür edirəm”, - deyə Ukrayna Prezidenti qeyd edib.
Rusiya tərəfi Zelenskinin Ukraynanın yeni silahlarla hücumu ilə bağlı dediklərini şərh etməyib.
Zelenski həmçinin bildirib ki, Ukraynanın Rusiyanın Kursk vilayətinə avqustun 6-da başladığı hücumunun məqsədi sülh danışıqlarında Ukraynanın mövqeyini yaxşılaşdırmaq deyil. Ukrayna prezidentinin sözlərinə görə, təqribən 1000 kvadrat kilometr Rusiya ərazisinə nəzarəti ələ keçirildiyi əməliyyatın bir neçə məqsədi var. Bunlardan biri mübadilə fondu adlanan vəsaitin doldurulması, yəni Rusiya hərbi qulluqçularının əsir götürülməsi, ikincisi isə Rusiyanın Sumı şəhərinə hücumunun qarşısını almaq üçün qabaqlayıcı zərbədir. Həmçinin, Zelenskinin sözlərinə görə, hücumun məqsədlərindən biri Rusiya xalqına Vladimir Putinin öz əhalisini qorumaqdan daha çox Ukrayna ərazilərinin işğalından narahat olduğunu göstərməkdir.
“O, hələ də işğal olunmuş əraziləri necə saxlamağı düşünür və öz xalqını necə layiqincə qorumaq barədə düşünmür. O, indi özkəndlərini bombalayır”, - deyə Zelenski bildirib.
Ukraynanın Müstəqillik Günü münasibətilə Kiyevdə keçirilən şənliklərdə Polşa prezidenti Anjey Duda və Litvanın baş naziri İnqrida Simonyte iştirak ediblər.
Musavat.com
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ