Onlayn ictimai-siyasi qəzet
Zelenski Ukrayna Qəhrəmanının dəfnində
“Da-Vinçinin qurdları” na rəhbərlik edən Dmitri Kotsyubayloya Baxmut uğrunda döyüşlərdə həlak olub
Ukrayna prezidenti Volodimir Zelenski “Sağ sektor”( “Pravıy sektor”) liderlərindən biri, Ukrayna Qəhrəmanı Dmitri Kotsyubaylonun dəfn mərasimində iştirak edib. Dmitri Kotsyubaylo Ukrayna ordusunun 67-ci əlahiddə mexanikləşdirilmiş briqadasının batalyon komandiri idi. O, martın 7-də Baxmut uğrunda gedən ağır döyüşlərdə həlak olub. Ukrayna prezidenti 2021-ci il dekabrın 1-də Zelenski Kotsyubayloya Ukrayna Qəhrəmanı adı və Qızıl Ulduz medalı təqdim etmişdi.
Musavat.com “Ukrayna həqiqəti” nəşrinə istinadən məlumat verir ki, dəfn mərasimində Ukrayna Silahlı Qüvvələrinin Ali Baş Komandanı Valeri Zalujnı, Baş Kəşfiyyat İdarəsinin rəhbəri Kirill Budanov, müdafiə naziri Aleksey Reznikov və həmin vaxt Kiyevdə səfərdə olan Finlandiyanın baş naziri Marin Sannanin də iştirak edib. Dəfn mərasimi Müqəddəs Mixail monastırında keçirilib. Vida mərasiminə minlərlə insan da qatılıb. 
Nəşr yazır ki, Zelenski Kotsyubayloya ölümündən sonra “Hərbi Xidmət Xaçı” verib. Zelenski həmin ordeni dəfn mərasimində Dmitri Kotsyubaylonun anasına təqdim edib.
Ölümdən bir neçə gün əvvəl Amerikanın “Nyu York Tayms” qəzeti Kotsyubaylo ilə Baxmutda görüşmüşdü. Qəzet yazırdı ki, Kotsyubaylı evində canavar saxlayırmış. Vəhşi heyvan komandirin kabinetinin yaxınlığındakı qəfəsdə olub. Məqalədə deyilirdi ki, döyüşçü təxəllüsü “Da Vinçi” olan Dmitri Kotsyubaylo zarafatla deyirmiş ki, döyüşçülər canavara rusdilli uşaqların sümüklərini yedizdirir”. Onun rəhbərlik etdiyi bölmə isə “Da-Vinçinin qurdları” adlanırdı…
Sağlığında Ukrayna Qəhrəmanı adına layiq görülən ilk könüllü idi. Onu Avromaydandan və Rusiya-Ukrayna müharibəsindən keçmiş “Ukrayna gənclər nəslinin təcəssümü” adlandırdılar.
Dmitri Kotsyubaylo 1995-ci il noyabrın 1-də Ukraynanın İvano-Frankovsk vilayətinin Zadnestryanskoye kəndində anadan olub.
Bovşevskaya orta məktəbini, İvano-Frankivsk Rəssamlıq Liseyini bitirib. 2014-cü ildə Donetsk kənarındakı Peski kəndi yaxınlığında gedən döyüşdə tank mərmisi nəticəsində ağır yaralanıb. Üç aylıq reabilitasiyadan sonra o, cəbhəyə qayıdıb və burada Ukraynanın suverenliyini və ərazi bütövlüyünü müdafiə etməyə davam edib. Dmitri subay olub. 2017-ci ildən o, könüllü “Ulf” tibb xidmətinin rəhbəri və siyasətçi Alina Mixaylova ilə münasibətdə idi.
Musavat.com
XƏBƏR LENTİ
09 Oktyabr 2024
ŞƏRHLƏRŞƏRH YAZ