Onlayn ictimai-siyasi qəzet
Zelenski BMT-nin Ukraynanın müdafiəsindəki rolunu AÇIQLADI: "Yetərli deyil..."
Ukrayna Prezidenti Volodimir Zelenski BMT sülhməramlılarının ölkədəki mövcudluğunu tərəfdaşların hərbi kontingenti və ya təhlükəsizlik zəmanətləri üçün alternativ hesab etmədiyini bildirib.
Musavat.com xəbər verir ki, Zelenski Ukraynanın müdafiəsi və təhlükəsizliyinin təmin edilməsi üçün beynəlxalq tərəfdaşların dəstəyinin vacib olduğunu vurğulayıb.
O, BMT-nin bu məsələdə təhlükəsizlik zəmanətləri təqdim edə bilməyəcəyini qeyd edərək, təşkilatın mandatının Ukraynanın müdafiəsini təmin etmək üçün yetərli olmadığını bildirib.
"Biz BMT-nin rolunu anlayırıq, lakin onu hərbi kontingent və ya təhlükəsizlik zəmanətlərinə alternativ kimi qəbul etmirik. Çünki BMT-nin Ukraynanı qorumaq üçün hər hansı mandatı mövcud deyil. Ölkəmizin təhlükəsizliyi yalnız güclü tərəfdaşlıq və konkret müdafiə mexanizmləri ilə təmin edilə bilər," – deyə Ukrayna lideri əlavə edib.
Zelenski eyni zamanda Ukraynanın suverenliyinin və ərazi bütövlüyünün qorunması üçün NATO və digər beynəlxalq müttəfiqlərlə əməkdaşlığın daha da gücləndirilməsinin vacibliyini vurğulayıb.
Musavat.com
XƏBƏR LENTİ
22 Mart 2025
21 Mart 2025
ŞƏRHLƏRŞƏRH YAZ