Onlayn ictimai-siyasi qəzet
Zelenski açıqladı: Rusiyanın pullarını kredit kimi Ukraynaya verməyə başladılar
Ukrayna Prezidenti Volodimir Zelenski Böyük Britaniyanın Baş naziri Kir Starmer ilə görüşünü şərh edərək, iki ölkə arasında Ukraynanın müdafiəsini gücləndirmək üçün yeni kredit müqaviləsi imzalandığını açıqlayıb.
“Müzakirələrimizdə Ukrayna və Avropanın üzləşdiyi çağırışları, tərəfdaşlarla koordinasiyanı, ölkəmizin mövqeyini gücləndirmək və ədalətli sülh yolu ilə müharibəni bitirmək üçün konkret addımları nəzərdən keçirdik”, – deyə Zelenski bildirib.
Rusiyanın dondurulmuş aktivlərindən istifadə ediləcək
Musavat.com xəbər verir ki, Zelenskinin sözlərinə görə, bu kredit Rusiya Federasiyasına məxsus dondurulmuş aktivlərdən əldə edilən gəlirlərlə ödəniləcək və Ukraynanın hərbi istehsal imkanlarının genişləndirilməsinə yönəldiləcək. O, bunu “ədalətli yanaşma” adlandıraraq vurğulayıb:
“Müharibəni kim başlayıbsa, ödəyən də o olmalıdır.”
Londonda Ukraynaya güclü dəstək nümayişi
Prezidentin Londondan paylaşdığı görüntülərdə Ukrayna bayraqları dalğalandıran çoxsaylı insanlar görünür. Onlar Zelenskinin korteji keçərkən və Kir Starmerin iqamətgahı yaxınlığında Ukraynaya dəstəklərini ifadə ediblər.
Xatırladaq ki, bu səfər çərçivəsində Böyük Britaniya Ukraynaya 2,26 milyard funt sterlinq məbləğində müdafiə krediti ayırıb. Vəsait əsasən silah istehsalı və müdafiə sektorunun gücləndirilməsinə sərf olunacaq.
@@TVmusavat/109586@@
Musavat.com
XƏBƏR LENTİ
03 Mart 2025
02 Mart 2025
ŞƏRHLƏRŞƏRH YAZ