Onlayn ictimai-siyasi qəzet
Yaponiyada hökumət və müxalifət fövqəladə iclasa toplaşır: Mövzu tariflərdir...
Yaponiyanın baş naziri Şiqeru İşiba ABŞ-ın idxal tariflərinin tətbiqinə cavab tədbirlərini müzakirə etmək üçün bu gün müxalifət partiyalarının liderlərini bir araya toplayıb, onların fikirlərini dinləyəcək.
Musavat.com xarici agentliklərə istinadən xəbər verir ki, məlumatı Yaponiya Nazirlər Kabinetinin baş katibi Yosimasa Hayaşi açıqlayıb: “ABŞ tariflərinə cavab verilməsi məsələsinə təkcə hökumət və hakim partiya tərəfindən deyil, həm də müxalifətin iştirakı ilə partiyalararası səviyyədə baxılmalı olduğunu nəzərə alaraq, Baş nazir İşiba bu gün günortadan sonra hər bir partiyanın liderlərinin fikirlərini dinləyəcək”.
Bundan əlavə, Hayaşinin sözlərinə görə, baş nazir hökumətə ABŞ prezidenti Donald Tramp administrasiyasının tarif tədbirlərinin məzmununu diqqətlə öyrənməyi, onların Yaponiyaya təsirini təhlil etməyi və Vaşinqtona tədbirlərə yenidən baxması üçün təzyiq göstərməyi davam etdirməyi, eyni zamanda Yaponiya sənayesində məşğulluğun, o cümlədən müvafiq maliyyənin təmin edilməsi yolu ilə dəstəklənməsi üçün səy göstərməyi tapşırıb.
Trampın tarif siyasəti Yaponiyada ciddi narahatlıq yaradır. Yaponiyanın avtomobil ixracının 28 faizinin reallaşdığı ABŞ-da idxala 25 faizlik rüsumlar xüsusi narahatlıq doğurur. Bundan əlavə, aprelin 2-də Tramp ölkəsinin bütün idxal olunan mallara minimum 10 faiz tarif dərəcəsi təyin edəcəyini açıqlayıb. Ayrı-ayrı ölkələr üçün o, fərdi tarifləri müəyyənləşdirib, Yaponiya üçün bu göstərici 24 faiz həddində tətbiq olunacaq.
Daiwa Qiymətli Kağızlar Tədqiqat İnstitutunun hesablamalarına görə, Trampın tarif siyasəti nəticəsində Yaponiyanın real ÜDM-i 2029-cu ilədək 2,9 faizə qədər azala bilər. Nikkei qəzeti əvvəllər hesablamışdı ki, yalnız avtomobil idxalına əlavə 25 faizlik tariflərin tətbiq olunmasından Yaponiya iqtisadiyyatı ən pis halda, təxminən 13 trilyon iyen(təxminən 86,1 milyard dollar) itirə bilər. Bu, ölkə ÜDM-nin 2 faizi deməkdir.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ