Onlayn ictimai-siyasi qəzet
Yaponiya Trampın təklifinə yox dedi
Yaponiyanın maliyyə naziri Katsunobu Kato ABŞ-ın Rusiya neftini almağa görə Çin və Hindistandan idxal edilən mallara gömrük rüsumlarının artırılması çağırışını dəstəkləməyib. Musavat.com xəbər verir ki, məlumatı Bloomberg yayıb.
Nazir jurnalistlərə ölkəsinin beynəlxalq ticarət qaydalarına qarşı getməyəcəyini deyib: "Yaponiya Ümumdünya Ticarət Təşkilatı çərçivəsində müəyyən edilmiş hədləri aşan tarifləri tətbiq etməməyi və digərləri ÜTT sazişləri üzrə öhdəliklərini yerinə yetirdiyi təqdirdə bütün üzv ölkələrə ədalətli davranmağı öhdəsinə götürüb. Yalnız müəyyən ölkənin Rusiyadan neft idxal etməsi əsasında tarifləri, məsələn, 50 faizə qaldırmaq bizim üçün çətin olacaq".
Yapon nazirin mövqeyi G7 ölkələrinin sentyabrın 12-də keçirilən onlayn iclasında Rusiyaya qarşı sanksiyaları müzakirə olunmasından sonra açıqlanıb. İclas zamanı ABŞ G7 müttəfiqlərini Rusiya neftini almağa davam etdiklərinə görə Çin və Hindistana 100 faizə qədər tariflərin tətbiqini nəzərdən keçirməyə çağırıb.
Ticarət Nazirliyinin məlumatına görə, iyun ayında Yaponiyanın neft idxalının təxminən 1 faizi Rusiyadan gəlib. Tokio Rusiyanın Yaponiyanın şimalında yerləşən Saxalin-2 ixrac layihəsinə ölkəyə LNG təchizatının əsas mənbəyi kimi baxır. Bu tədarüklər Qərbin sanksiyalarına məruz qalmır.
Kato Rusiyanın Ukraynaya qarşı təcavüzünü dayandırmağa kömək edəcək mümkün tədbirlərə toxunaraq, "biz hansı təzyiqin ən təsirli ola biləcəyini təhlil edirik və G7 tərəfdaşlarımızla hərəkətlərimizi yaxından əlaqələndiririk" deyib.
Bu arada, G-7 nümayəndələri hazırda yeni sanksiyalar paketi üzərində işləyirlər və Bloomberg mənbəsinə görə, mətn üzərində işi yaxın iki həftə ərzində başa çatdırmaq niyyətindədirlər.
Musavat.com
XƏBƏR LENTİ
17 Sentyabr 2025
16 Sentyabr 2025
ŞƏRHLƏRŞƏRH YAZ