Onlayn ictimai-siyasi qəzet
Xalq artisti "Vokaliz"in remix variantını təqdim etdi
Xalq artisti Briliant Dadaşova musiqi layihəsi olan “Best of Brilliant” çərçivəsində müxtəlif illərdə repertuarına daxil olan mahnıları yenidən ifa etməyə davam edir.
Musavat.com xəbər verir ki, bu layihə artıq onun pərəstişkarlarının böyük marağına səbəbdir və növbəti yenidən səsləndirilən hit mahnı “Vokaliz” olub. Bu, Briliant Dadaşovanın karyerasında ən parlaq mahnılardan biri hesab edilir. İllər əvvəl buraxılmasına baxmayaraq, bu kompozisiya öz aktuallığını qoruyub saxlayır və dinləyicilər arasında hələ də populyardır.
Briliant Dadaşova mahnının yeni ifasında onun orijinal atmosferini qorumağı bacarıb, eyni zamanda onu müasir musiqi tendensiyalarına uyğunlaşdırıb. Bu da “Vokaliz”in həm təravətli səslənməsinə, həm də öz unikal kimliyini itirməməsinə imkan verib.
Qeyd edək ki, “Best of Brilliant” layihəsi Briliant Dadaşovanın yeni konsert proqramının əsasını təşkil edib. Müğənni bu proqramla 8 mart – Beynəlxalq Qadınlar Günündə Bakı Konqres Mərkəzində çıxış edəcək.
XƏBƏR LENTİ
22 Fevral 2025
ŞƏRHLƏRŞƏRH YAZ