Onlayn ictimai-siyasi qəzet
Vəhşiliyin VİDEO-su – kişi yol keçən 14 yaşlı qızı nokaut etdi
Rusiya Federasiyasının Zabaykalye diyarının Krasnokamensk şəhərində kişi yoldan keçən 14 yaşlı məktəbli qızı bir zərbə ilə nokaut edib.
Musavat.com xəbər verir ki, hadisə müşahidə kamerasına düşüb və “İnsident Krasnokamenst” adlanan Telegram kanalı tərəfindən yayılıb.
Videogörüntülərdə qızın və kişinin bir-birinə tərəf getdiyi görünür. Yeniyetmə ilə üzbəüz gələn şəxs azacıq hərəkət istiqamətini dəyişir, məktəbli qıza yaxınlaşır və onun üzünə güclü zərbə endirərək, onu qarlı asfaltın üstünə sərir və hərəkətini davam etdirir. Huşunu itirən qız qarlı asfaltın üzərində döşəli qalır.
Teleqram kanalının dərc etdiyi materialda bildirilir ki, hadisə yaxınlıqdakı “Legend” kafesinin ərazisində baş verib və kafenin videokamerası tərəfindən qeydə alınıb. Huşunu itirmiş qız xəstəxanaya aparılıb, orada ona burnunun sınığı və beyin silkələnməsi diaqnozu qoyulub.
Heç bir səbəb olmadan qıza vəhşicəsinə hücum edən şəxs saxlanılıb. O, nəyə görə belə hərəkət etdiyini izah edə bilməyib.
Musavat.com
XƏBƏR LENTİ
30 Yanvar 2025
ŞƏRHLƏRŞƏRH YAZ