Onlayn ictimai-siyasi qəzet
Vaşinqton bütün gəliri istəyir - Ukrayna ilə ABŞ arasında təbii sərvətlər sazişi qalmaqala səbəb oldu
Ukrayna ilə ABŞ arasında planlaşdırılan mineral (faydalı qazıntılar) sazişi hələ tam razılaşdırılmayıb. Ukraynalı rəsmilərin verdiyi məlumata görə, Vaşinqtonun son təklifi ilə bağlı yayılan xülasə ABŞ-ın Ukraynanın təbii sərvətlərindən əldə etdiyi gəlirin illərlə tam şəkildə ona verilməsini istədiyini göstərir.
Musavat.com xəbər verir ki, bu barədə məlumatı "Reuters" yayıb.
Mənbələr bildirir ki, ABŞ və Ukrayna arasında aparılan danışıqlar çərçivəsində strateji mineralların hasilatı və ixracı ilə bağlı razılaşma əldə olunması nəzərdə tutulur. Lakin Vaşinqtonun təklif etdiyi şərtlərin Ukrayna üçün qeyri-bərabər və birtərəfli olduğu iddiaları ictimaiyyətdə narahatlıq yaradıb.
Ukraynalı rəsmilər sazişin detalları üzərində işin davam etdiyini bildirir və bu barədə ictimaiyyətə tam razılaşma əldə olunduqdan sonra məlumat veriləcəyini açıqlayıblar.
Analitiklərə görə, bu məsələ Ukraynanın müharibə dövründə iqtisadi suverenliyi və xarici təsirlərə qarşı dayanıqlığı baxımından ciddi əhəmiyyət kəsb edir. ABŞ tərəfi isə hələlik bu iddialarla bağlı açıqlama verməyib.
Mövzu Ukrayna daxilində və beynəlxalq arenada müzakirə mövzusuna çevrilib. Təbii resurslar müqabilində təhlükəsizlik dəstəyi və maliyyə yardımı balansı məsələsi gündəmdə qalmağa davam edir.
ƏTRAFLI linkdə: https://www.reuters.com/world/europe/putin-suggests-temporary-administration-ukraine-end-war-2025-03-28/
Musavat.com
XƏBƏR LENTİ
31 Mart 2025
ŞƏRHLƏRŞƏRH YAZ