Onlayn ictimai-siyasi qəzet
Ukrayna qüvvələri Xerson istiqamətində Rusiyanın təminat körpüsünü məhv edib
Ukrayna qüvvələri Xerson istiqamətində əks-hücum əməliyyatlarını davam etdirirlər.
Musavat.com-un xəbərinə görə, Böyük Britaniya Müdafiə Nazirliyinin kəşfiyyat xidmətinin məlumatında belə qeyd olunub. Bildirilib ki, Ukrayna Darivka yaxınlığındakı körpünün ciddi zədələnməsindən sonra Rusiya qüvvələrinin açdığı panton körpünü məhv edib.
Qeyd olunub ki, Darivka kəsişməsi Dnepr çayı boyunca yerləşdirilmiş Rusiya hərbi qüvvələrinin şimal və cənub sektorlarının əsas dəhlizlərindən biridir.
Vurğulanıb ki, Ukraynanın sistematik şəkildə həssas keçid nöqtələrinə dəqiq zərbələr endirməsi ukraynalıların hücumunun qarşısını almağa çalışan Rusiya qüvvələrini təzyiq altında qoyur. Bu isə Rusiyanın ehtiyat qüvvələr yerləşdirməsi və şərqdən material təminatı imkanlarını ləngidir.
Musavat.com
XƏBƏR LENTİ
05 Oktyabr 2024
ŞƏRHLƏRŞƏRH YAZ