Onlayn ictimai-siyasi qəzet
Ukrayna F-16 və hava müdafiəsini gücləndirir- Zelenski açıqladı
Ukrayna Prezidenti Volodimir Zelenski ABŞ-ın ən böyük müdafiə şirkətlərindən biri olan “Lockheed Martin” nümayəndələri ilə görüş keçirib.
Musavat.com xəbər verir ki, görüş zamanı Ukraynanın hava hücumundan müdafiə sistemlərinə, raketlərə və F-16 qırıcı təyyarələrinə olan ehtiyacları müzakirə olunub.
Zelenski bildirib ki, Rusiya zərbələrinin artdığı və qış mövsümünün yaxınlaşdığı bir dövrdə Ukrayna üçün hava müdafiəsini möhkəmləndirmək həyati əhəmiyyət daşıyır.
“Bizim əsas prioritetimiz – Ukraynanın səmasını qorumaqdır. Hər yeni hücum, daha güclü hava müdafiə sistemlərinə ehtiyacımızı bir daha göstərir,” – deyə Zelenski qeyd edib.
“Lockheed Martin” tərəfi Ukraynaya F-16 təyyarələrinin tədarükü və texniki dəstəyi, həmçinin raket sistemlərinin modernləşdirilməsi istiqamətində əməkdaşlığa hazır olduğunu bildirib.
Ekspertlər hesab edirlər ki, bu görüş Ukraynanın müdafiə imkanlarının artırılması və ABŞ-Ukrayna hərbi əməkdaşlığının dərinləşməsi baxımından mühüm addımdır.
Musavat.com
XƏBƏR LENTİ
19 Oktyabr 2025
18 Oktyabr 2025
ŞƏRHLƏRŞƏRH YAZ