Onlayn ictimai-siyasi qəzet
Türkiyə XİN başçısı: Üçüncü tərəflərin öz qarşıdurmalarını bu coğrafiyaya daşımasını istəmirik
Üçüncü tərəflərin öz qarşıdurmalarını bu coğrafiyaya daşımasını istəmirik.
“Report” “TRT Haber”ə istinadən xəbər verir ki, bu barədə Türkiyənin xarici işlər naziri Hakan Fidan Qətərin Qətərin Baş naziri və xarici işlər naziri Şeyx Məhəmməd bin Əbdürrəhman Əl-Tani ilə birgə brifinqdə söyləyib.
“Bütün tərəflərin konstruktiv mövqe nümayiş etdirməsini faydalı sayırıq. Paytaxtı Şərqi Qüds olan müstəqil Fələstin Dövlətinin qurulması üçün var gücümüzlə çalışacağıq <…> Bölgə ölkələri kimi, üçüncü tərəflərin öz qarşıdurmalarını bu coğrafiyaya daşımasını istəmirik. Yeganə zərərçəkmiş Qəzza xalqıdır. Yekun məqsədimiz ədalətli və daimi sülhün təmin edilməsidir”, – XİN başçısı vurğulayıb.
Onun sözlərinə görə, Ankara ilə Doha arasında “xüsusilə Fələstin məsələsində mövcud böhranla bağlı böyük koordinasiya var”:
“Xüsusilə də hörmətli həmkarımla daimi ünsiyyətdəyik. Türkiyə və Qətər HƏMAS ilə sağlam əlaqələri olan ölkələrdir. Biz bütün gücümüzlə atəşkəs üçün çalışırıq. Qətər atəşkəs prosesində mühüm rol oynayır”.
Fidanın fikrincə, İsrailin Baş naziri Binyamin Netanyahunun “iqtidarda qalmaq üçün” Türkiyənin də yerləşdiyi bölgəni “müharibəyə sürükləməyə çalışdığı açıq-aşkardır”.
Türkiyənin baş diplomatı diqqətə çatdırıb ki, Ankara “iki dövlətli həll üçün sıx səylər göstərir”:
“<...> Qərbdə bu ideyanı dəstəkləyən bəzi ölkələrdən HƏMAS-a qarşı fikir ayrılıqlarını görürük. Bu cür təsəvvürlərin aradan qaldırılması ilə bağlı onların fikirlərini [HƏMAS-ın siyasi bürosunun başçısı İsmayıl Həniyə ilə] müzakirə etdik”.
XƏBƏR LENTİ
25 Dekabr 2024
ŞƏRHLƏRŞƏRH YAZ