Onlayn ictimai-siyasi qəzet
Trampın əl-ayağı niyə şişib? – Ağ Evdən açıqlama
ABŞ prezidenti Donald Trampın səhhəti qaydasındadır.
Musavat.com xəbər verir ki, bunu Ağ Evin mətbuat katibi Karolin Levitt jurnalistlər üçün keçirdiyi növbəti brifinqdə deyib.
O, Trampın əl və ayaqlarındakı şişkinliyin səbəbini belə izah edib: "Prezident son həftələrdə aşağı ətraflarında yüngül şişkinlik hiss edir. Bu vəziyyət Ağ Evin Tibb Xidməti tərəfindən hərtərəfli qiymətləndirilib. Müayinə zamanı 70 yaşdan yuxarı insanlarda adi bir vəziyyət olan xroniki venoz çatışmazlıq aşkar edilib. Vacib aydınlıq: dərin venaların trombozu və ya arteriya xəstəliyinin heç bir əlaməti yoxdur".
Onun sözlərinə görə, laboratoriya müayinələri və ürək müayinələri normal nəticə verib. Levitt Trampın əlində qançırların görünməsinə də münasibət bildirib: "Əlin arxasındakı kiçik qançırlar tez-tez əl sıxma və aspirin qəbulu ilə əlaqələndirilir. Bu, aspirin terapiyasının məlum və zərərsiz yan təsiridir".
Levitt vurğulayıb ki, ABŞ prezidenti "hər kəsin gündəlik olaraq görə biləcəyi əla sağlamlıq vəziyyətindədir".
Musavat.com
XƏBƏR LENTİ
18 Iyul 2025
ŞƏRHLƏRŞƏRH YAZ