Onlayn ictimai-siyasi qəzet
Tramp Ukrayna müharibəsinə dair açıqlama verəcək
Ukrayna prezidenti Vladimir Zelenski və Vladimir Putin Ukraynadakı müharibəni özləri bitirməyə hələ hazır deyillər. Musavat.com Sky News-a istinadən xəbər verir ki, bunu Ağ Evin mətbuat katibi Karolin Levitt deyib.
Onun sözlərinə görə, ABŞ prezidenti Donald Tramp Rusiyanın Ukraynaya qarşı müharibəsinə son qoymağa çalışır, lakin Putin və Zelenski də bunu istəməlidir: "Belə görünür ki, hər iki tərəfin özü hələ müharibəni bitirməyə hazır deyil. Prezident Tramp bunun bitməsini istəyir, lakin iki ölkə liderlərinin də buna son qoymasını istəməsi lazımdır. Prezident daha sonra bununla bağlı əlavə açıqlamalar verəcək".
Levitt Ağ Evin Putini sülhə maneə hesab edib-etməməsi sualına cavab verib. Onun sözlərinə görə, Tramp Ukraynadakı proseslərdən narazıdır, lakin heç də təəccüblənmir: "Söhbət çox uzun müddətdir müharibə şəraitində olan iki ölkədən gedir. Rusiya Kiyevə bu hücumu həyata keçirib. Ukrayna isə bu yaxınlarda Rusiyanın neft emalı zavodlarına zərbələr endirib. Faktiki olaraq avqust ayında onlar Rusiya neft emalı gücünün 20 faizini məhv ediblər".
O, prezidentin əvvəlki bəyanatlarını təkrarlayaraq qeyd edib ki, Tramp müharibənin bitməsini istəyir, lakin “iki ölkənin liderləri də bunu istəməlidirlər”.
Musavat.com
ƏLAQƏLİ XƏBƏRLƏR
XƏBƏR LENTİ
31 Avqust 2025
ŞƏRHLƏRŞƏRH YAZ