Onlayn ictimai-siyasi qəzet
Tramp: “Onları həbs etsələr, etiraz etməyəcəm”
ABŞ prezidenti Donald Tramp bəyan edib ki, Ədliyyə Nazirliyinin araşdırması onların günahını sübuta yetirəcəyi təqdirdə, sabiq FBI direktoru Ceyms Komi və sabiq Mərkəzi Kəşfiyyat İdarəsinin (CİA) rəhbəri Con Brennanın həbsi ilə razılaşacaq.
Musavat.com xəbər verir ki, Tramp The Daily Caller-ə müsahibəsində hər iki şəxsi “pis və xəstə insanlar” adlandırıb və onların saxta məlumat yaymasını “əsrin cinayəti” kimi qiymətləndirib.
O, eyni zamanda, həbsin baş tutub-tutmayacağını dəqiq deyə bilməyəcəyini bildirib, lakin Hillari Klintonun da məsuliyyət daşıdığına inandığını vurğulayıb.
Daha əvvəl isə ABŞ-ın Milli Kəşfiyyat direktoru Tulsi Qabbard hesabat yayıb. Sənəddə iddia olunur ki, Barak Obama administrasiyası 2016-cı il seçkilərindən sonra Rusiya müdaxiləsi ilə bağlı kəşfiyyat məlumatlarını dəyişdirib və bununla Trampı hakimiyyətdən uzaqlaşdırmağa çalışıb.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ