Onlayn ictimai-siyasi qəzet
Tovuzda itkin düşən məktəbli: "Bir əmi gəlib məni götürdü, gecəni blokda qaldım"
"Məktəbdən piyada getdim. Sonra qaranlıq düşdü. Fəvvarələrdən döndüm. Sonra bir əmi gəldi, məni götürdü Gəncəyə getdik. Orada əmi izimi itirsin deyə qaçdım".
Musavat.com xəbər verir ki, bunu APA Tv- yə Tovuzda itkin düşən və bu gün səhər saatlarında Gəncədə tapılan 13 yaşlı məktəbli Aysun Süleymanlı deyib. O bildirib ki, Gəncəyə gedib gəzmək istəyirmiş:
"Başımın açılması üçün Gəncəyə getdim. Bəzi filmlərə baxdığımdan dolayı psixologiyam pozulub. Gecəni blokda qaldım. Səhəri gün də çölə çıxdım, mağazaya getdim. Şirniyyat alıb yedim".
Qeyd edək ki, A.Süleymanlı Alubəyli kənd sakinidir. O, Tovuz rayonu Yusif Sadıqov adına Bozalqanlı kənd məktəbinin 7- ci sinif şagirdidir. Məktəbli aprelin 2- si axşam 18 radələrində dərsdən çıxıb evə qayıtmamışdı.
Azyaşlının nənəsi mətbuata açıqlamasında bildirmişdi ki, yeniyetmənin çantasından ərəb əlifbası ilə yazılan qəribə qeydlər çıxıb:
“Son zamanlar hərəkətlərində qeyri-adilik var idi. Səhhəti ilə bağlı məktəbə də çağırmışdılar. Dedilər dəftərində qeyri-adi şeylər yazıb. Özünlə paltar, şirniyyat, su götür, saçını kəs. Biz hara desək ora gəl, dağlıq əraziyə gəl”.
Şahanə Rəhimli
Musavat.com
ƏLAQƏLİ XƏBƏRLƏR
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ