Onlayn ictimai-siyasi qəzet
Tovmasyan sərhədin demarkasiyasından DANIŞDI
“Sənədlə bağlı müşahidələrimi iclas zalında səsləndirəcəm”.
Musavat.com xəbər verir ki, bunu Ermənistan Konstitusiya Məhkəməsinin üzvü Hrayr Tovmasyan məhkəmənin iclasından əvvəl jurnalistlərlə söhbətində bildirib.
“Hər hansı problem görsəm, ilk növbədə onları iclas zalında qaldırmalı, sonra isə bu barədə mətbuata açıqlama verməliyəm. Təbii ki, problemli məsələlər görürəm, onlar haqqında orada danışacam”, - deyə Tovmasyan əlavə edib.
Qeyd edək ki, bu gün Ermənistan Konstitusiya Məhkəməsi Ermənistan-Azərbaycan sərhədinin demarkasiyası üzrə komissiyaların birgə fəaliyyətinin əsasnaməsinin konstitusiyaya uyğunluğu məsələsinə baxacaq.
Sənədə əsasən, İrəvan və Bakı 1991-ci il Alma-Ata Bəyannaməsi əsasında sərhədin delimitasiyası barədə razılığa gəliblər, lakin bu sənəd yekun sayılmır.
Əsasnamədə göstərilir ki, sülh sazişi qəbul edildikdən sonra proses başqa prinsiplərə uyğun davam etdirilə bilər. Əsasnamə 7 maddədən ibarətdir.
Musavat.com
XƏBƏR LENTİ
24 Sentyabr 2024
ŞƏRHLƏRŞƏRH YAZ