Onlayn ictimai-siyasi qəzet
Parlamentin bu gün keçirilən iclasında Azərbaycan Respublikasının Milli Məclisi yanında Toponimiya komissiyasının tərkibində dəyişiklik edildi.
Qərar layihəsini Elm və təhsil komitəsinin sədri, akademik-deputat İsa Həbibbəyli təqdim etdi. Qərara əsasən, komissiyanın 2021-ci ildə vəfat edən üzvləri - Azərbaycan Milli Elmlər Akademiyasının (AMEA) H.Əliyev adına Coğrafiya İnstitutunun direktoru Ramiz Məmmədov və AMEA-nın Nəsimi adına Dilçilik İnstitutunun Müasir Azərbaycan dili şöbəsinin baş elmi işçisi, filologiya elmləri doktoru, professor Qara Məşədiyev Komissiyanın üzvlərinin siyahısından çıxarılıb.
İ.Həbibbəyli dedi ki, həmin şəxslərin AMEA-nın Nizami Gəncəvi adına Ədəbiyyat İnstitutunun baş elmi işçisi, filologiya elmləri doktoru, professor Akif İmanlı və AMEA-nın Nəsimi adına Dilçilik İnstitutunun aparıcı elmi işçisi, filologiya üzrə fəlsəfə doktoru, dosent Elşad Abışovun əvəzlənməsi məqsədəuyğun hesab edilib.
E.Paşasoy,
Musavat.com
09 Oktyabr 2024
ŞƏRHLƏRŞƏRH YAZ