Onlayn ictimai-siyasi qəzet
Tokayev hökumətdə kadr dəyişikliyi olacağını anons edib
Qazaxıstan prezidenti Kasım-Jomart Tokayev hökumətin lazımi fəallıq nümayiş etdirmədiyini qeyd edib.
Musavat.com Qazaxıstan mediasına istinadla xəbər verir ki, Tokayev deyib: “Ölkə üçün bir sıra əsas məsələlərdə hökumət lazımi fəallıq nümayiş etdirmir, qərarlar ləng qəbul edilir. Hesab edirəm ki, yaxın gələcəkdə hökumətin işinin səmərəliliyi artmalıdır, çünki onlar vəziyyətin həlli üçün tədbirlər görürlər. Yeni ilin əvvəlində baş nazirin təklifi ilə hökumətdə bir sıra kadr dəyişiklikləri həyata keçirmək niyyətindəyəm”.
Prezident əlavə edib ki, bəşəriyyət hələ də koronavirus pandemiyasının nəticələrini aradan qaldırır. Bundan əlavə, geosiyasi vəziyyət gərginləşib və bu, qlobal böhranın güclənməsinə səbəb olub.
“Baş verən hər şey, şübhəsiz ki, qlobal iqtisadiyyata görünməmiş təzyiq göstərir. Bu şəraitdə biz 11 ay ərzində təqribən 3% artan iqtisadiyyatda yavaşlamanın qarşısını ala bildik. Biz əsas kapitala investisiyanın artımını 6,5 faiz artıra bilmişik. Bu yaxşı göstəricidir. Lakin bu, istirahət üçün səbəb deyil”, - Tokayev bildirib.
Musavat.com
XƏBƏR LENTİ
12 Oktyabr 2024
11 Oktyabr 2024
ŞƏRHLƏRŞƏRH YAZ