Onlayn ictimai-siyasi qəzet
Tezliklə Almaniya İsrailə silah ixracını artıracaq – Şols
Almaniya İsrailə silah tədarükünü tezliklə artıracaq.
Musavat.com xəbər verir ki, bu məlumatla Almaniya kansleri Olaf Şols parlamentdə Fələstinin HƏMAS qruplaşmasının oktyabrın 7-də hücumu qurbanlarının xatirəsinə həsr olunmuş tədbirdə müxalifət lideri Fridrix Merzin ittihamlarına cavab verərkən çıxış edib. O bildirib ki, bu il tədarükün əhəmiyyətli dərəcədə azalması müxalifətin Berlinin ixracı qəsdən gecikdirdiyinə dair ittihamlarına səbəb olub: “Biz silah tədarük etməmək barədə qərar qəbul etməmişik. Biz silah tədarük etmişik və onları tədarük etməyə davam edəcəyik”.
Almaniya kanslerinin sözlərinə görə, hökumət “yaxın gələcəkdə gələcək tədarüklərin başlayacağına zəmanət verən” qərarlar qəbul edib.
Almaniyanın mühafizəkar müxalifət lideri olan Merz hökuməti İsrailə silah, o cümlədən döyüş sursatı və tank ehtiyat hissələri ixracını gecikdirməkdə günahlandırıb: "Həftələr və aylar ərzində federal hökumət döyüş sursatı və hətta tanklar üçün ehtiyat hissələri üçün ixrac icazəsi verməkdən imtina etdi. Biz hökumətin İsrailin özünümüdafiə üçün təcili ehtiyac duyduğu avadanlıq və materialları təsdiqləməkdən imtina etdiyi bir neçə konkret hadisədən xəbərdarıq".
İqtisadiyyat Nazirliyinin parlament sorğusuna cavab olaraq təqdim etdiyi məlumatlara görə, bu il Almaniyadan İsrailə silah ixracına icazələrin sayı kəskin şəkildə azalıb və yanvar-21 avqust tarixləri arasında cəmi 14,5 milyon avro dəyərində silah verilib. Nazirliyin məlumatına görə, 2023-cü ildə Almaniya İsrailə hərbi texnika və silahlar da daxil olmaqla 326,5 milyon avro dəyərində silah ixracına icazə verib ki, bu da 2022-ci illə müqayisədə 10 dəfə çoxdur.
Musavat.com
XƏBƏR LENTİ
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ