Onlayn ictimai-siyasi qəzet
İŞİD bəhanəsi ilə YPG/PKK-ya dəstəyini kəsməyən ABŞ qalmaqallı addım atıb.
Musavat.com xəbər verir ki, ABŞ-ın Baş Qərargah rəisi general Mark Milley Suriyanın şimalında, terror təşkilatı YPG/PKK-nın nəzarətində olan bölgələrə səfər edib.
ABŞ Baş Qərargah Rəisləri Komitəsinin sözçüsü polkovnik Deyv Batler qalmaqallı səfərdən danışıb: "General Milley ABŞ komandirləri və qoşunları ilə görüşmək üçün Suriyanın şimalına səfər edib".
"O, İŞİD-lə mübarizə missiyası haqqında ən son məlumat alıb, qüvvədən qorunma tədbirlərini nəzərdən keçirib və Hol qaçqın düşərgəsində qaçqınların geri qaytarılması səylərini qiymətləndirib", - Batler deyib.
ABŞ mətbuatının yazdığına görə, onunla birlikdə səyahət edən jurnalistlərin Suriyada 900-ə yaxın Amerika əsgərinin yerləşdirilməsinin riskə dəyər olub-olmaması ilə bağlı sualına Milley belə cavab verib: “Əgər bu sualın vacib olduğunu düşünürsənsə, mənim cavabım bəli”.
Qeyd edək ki, YPG ABŞ və Türkiyədə terror təşkilatı kimi tanınan PKK-nın Suriya qoludur. ABŞ-ın YPG-yə dəstəyi uzun müddətdir Ankara ilə Vaşinqton arasında münasibətləri gərginləşdirib.
Türkiyə mətbuatı Mark Milleyin Suriyanın şimalında, terror təşkilatı YPG/PKK-nın nəzarətində olan bölgələrə səfərini "ABŞ-ın terror oyunu" kimi şərh edib.
Musavat.com
09 Oktyabr 2024
ŞƏRHLƏRŞƏRH YAZ