Onlayn ictimai-siyasi qəzet
Taylandda taylı tayını tapır - eynicinsli nikahların qanuniləşdirilməsi kütləvi toya səbəb oldu
Taylandda yüzlərlə eynicinsli cütlük 23 yanvarda evlənib.
Musavat.com xarici mediaya istinadla xəbər verir ki, həmin gün ölkə rəsmi olaraq Cənub-Şərqi Asiyada evlilik bərabərliyini tanıyan ilk ölkə olub.
Bildirilir ki, bu tarixi gün LGBTQ+ icmasının bərabər hüquqlar uğrunda uzun illər apardığı mübarizənin kulminasiya nöqtəsi olub.
“Bu, həyatımın ən xoşbəxt günüdür. Nəhayət, uzun müddət istədiklərimizi tamamilə edə bildik”, - beş illik evliliyindən sonra partnyoru Çanafip Sirihirançay ilə evlənən Pisit Sirihirançay duyğularını paylaşıb.
CNN yazır ki, Tayland parlamenti və kralı tərəfindən təsdiqlənən yeni qanun eynicinsli cütlüklərə tam hüquqi, maliyyə, sağlamlıq, övladlığa götürmə və heteroseksual cütlüklər kimi miras hüquqları verir.
Baş nazir Patongtan Şinvatra bildirib ki, qanun "Tayland cəmiyyətinin gender müxtəlifliyi haqqında daha çox məlumatlı olmasının və cinsi oriyentasiyasından, irqindən və dinindən asılı olmayaraq hər kəsi qəbul etməsinin başlanğıcı" deməkdir. O, hər kəsin bərabər hüquqlara və ləyaqətə malik olduğunu vurğulauıb.
Banqkokda “Bangkok Pride” şirkətinin yerli hakimiyyət orqanları ilə birgə təşkil etdiyi “Siam Paragon” ticarət mərkəzində kütləvi toy mərasimi keçirilib. 200-dən çox cütlük ənənəvi Tayland ritmləri altında göy qurşağı xalçası ilə gedərək nikahlarını qeydə alıblar.
Yeni evlənənlər arasında hər yaşda olan cütlüklər, o cümlədən partnyoru ilə birlikdə forma geyinən polis məmuru Sirihirançay da olub. “Pheu Thai” partiyasının eynicinsli evlilik qanununu dəstəkləyən keçmiş baş nazir Sretta Thavesin ilə birlikdə yaşlı lesbiyanlar da mərasimdə iştirak ediblər.
Musavat.com
XƏBƏR LENTİ
24 Yanvar 2025
ŞƏRHLƏRŞƏRH YAZ