Onlayn ictimai-siyasi qəzet
Suriyadan Rusiyaya qarşı addım- Bu razılaşma ləğv edildi
Suriyanın yeni hakimiyyəti Rusiya şirkəti ilə Aralıq dənizində yerləşən Tərtus limanının idarə olunmasına dair investisiya razılaşmasını ləğv edib.
Musavat.com xəbər verir ki, bu barədə Tərtus Gömrük İdarəsinin direktoru Cudi məlumat verib.
Cudi bildirib ki, limanın idarə olunmasından əldə edilən bütün gəlirlər bundan sonra Suriyanın dövlət büdcəsinə yönəldiləcək və limanın işçiləri yenidən yerli idarəetməyə tabe olacaq. Onun sözlərinə görə, Suriyanın yeni rəhbərliyi limandakı köhnəlmiş avadanlıqların bərpası ilə də məşğul olacaq. O qeyd edib ki, həmin avadanlıqlar müqavilədə nəzərdə tutulmuş yenilənmə tədbirləri həyata keçirilmədən Rusiya şirkəti tərəfindən istifadə olunurdu.
Bu qərar Suriyanın iqtisadi müstəqilliyini bərpa etməklə yanaşı, ölkənin strateji əhəmiyyətli limanlarına nəzarəti tam şəkildə öz üzərinə götürmək cəhdinin bir hissəsi kimi qiymətləndirilir.
Analitiklər isə bu addımın Rusiya ilə Suriyanın münasibətlərinə təsir edəcəyini istisna etmirlər.
Musavat.com
XƏBƏR LENTİ
22 Yanvar 2025
ŞƏRHLƏRŞƏRH YAZ