Onlayn ictimai-siyasi qəzet
“Starship” kosmik gəmisinin buraxılışı yenə uğursuz oldu
ABŞ-də Starship kosmik gəmisinin buraxılışı yenidən uğursuz olub. Mayın 27-də Texasdakı bazadan yola salınan gəmi suborbital kosmosa uğurla daxil oldu, lakin 30 dəqiqədən sonra nəzarətsiz şəkildə fırlanmağa başladı və Yerə qayıtdıqdan sonra yanıb.
Musavat.com xarici mediaya istinadla xəbər verir ki, bu artıq SpaceX üçün ardıcıl üçüncü uğursuzluqdur.
Bildirilir ki, buraxılış zamanı hər şey plan üzrə gedib: raket birinci mərhələdə korpusdan ayrılıb, lakin sonradan onunla əlaqə kəsilib. Gəminin özü uçuşunu davam etdirib, lakin Starlink peyklərinin buraxılması da daxil olmaqla, yeni funksiyaların sınaqdan çıxarılması ejeksiyon mexanizmində nasazlıq səbəbindən ləğv edilib.
İlon Maskın sözlərinə görə, qəzaya səbəb yanacaq sızması olub. Çəndəki təzyiq kəskin şəkildə aşağı düşüb və sabitləşdirmə sistemi işləməyi dayandırlb. Bununla belə, o, kosmosda mühərriklərin uğurla dayandırılmasını irəliyə doğru bir addım adlandırıb.
Gəmi planetin ətrafında uçmalı və Hind okeanına enməli idi, lakin Cənubi Afrika üzərində yanıb. Bu, “Starship”i buraxmaq üçün doqquzuncu cəhd idi. Əvvəlki ikisi, yanvar və mart aylarında, buraxılışdan dərhal sonra partlayışlarla başa çatıb.
SpaceX rəhbərliyi 3-4 həftəlik fasilələrlə sınaqları davam etdirəcəyini bəyan edib. Şirkət əmindir ki, etibarlı gəmiyə gedən yol yalnız bu cür sınaqlar vasitəsilə mümkündür. 2027-ci ildə “Starship” insanları Aya çatdırmalı idi, lakin tez-tez baş verən qəzalar səbəbindən son tarixlər yenidən dəyişə bilər.
Musavat.com
XƏBƏR LENTİ
29 May 2025
ŞƏRHLƏRŞƏRH YAZ