Onlayn ictimai-siyasi qəzet
Şaraa niyə ilk olaraq Səudiyyəyə getdi? - Türkiyəyə bu tarixdə səfər edəcək (DETALLAR)
Suriyada keçid dövrünün prezidenti elan edilən Əhməd əş-Şaraa Səudiyyə Ərəbistanına ilk xarici səfərindən sonra Türkiyəyə səfər edəcək. əş-Şaraanın Ankaraya səfərinin fevralın 4 və ya 5-də baş tutacağı gözlənilir.
Musavat.com xatırladır ki, əş-Şaraa keçid dövrünün dövlət başçısı elan edildikdən sonra Suriyaya səfər edən ilk xarici qonaq Türkiyənin Yaxın Şərqdəki əsas müttəfiqi Qətər əmiri Şeyx Təmim bin Həməd əl-Tani olub.
əş-Şaraaya görə Səudiyyə Ərəbistanı birinci, yerdə qalanlar isə ikinci yerdədir
Suriyanın formalaşmış tarixi və diplomatik ənənələrini nəzərə alaraq, əş-Şaraanın müvəqqəti xarici işlər naziri Əsəd əl-Şeybani ilə birlikdə ilk xarici səfəri Səudiyyə Ərəbistanına olub. Səfər Suriyanın yeni administrasiyasının regional diplomatiyada ilk addımı kimi qiymətləndirilir.
Ərdoğan və əş-Şaraa arasında Ankarada gözlənilən görüşün əsas məsələsi şübhəsiz ki, Suriyanın şimal-şərqində PKK/YPG birləşmələrinin olması, eləcə də təhlükəsizlik məsələləri olacaq.
Ankara üçün PKK/YPG/SDQ birləşmələrinin aradan qaldırılması və İŞİD-in yeni təhlükəyə çevrilməsinin qarşısının alınması milli təhlükəsizlik, Dəməşqdəki yeni administrasiya üçün isə ərazi bütövlüyü məsələsidir.
Toğrul İSMAYIL,
Musavat.com
XƏBƏR LENTİ
03 Fevral 2025
02 Fevral 2025
ŞƏRHLƏRŞƏRH YAZ