Onlayn ictimai-siyasi qəzet
Rusiyanın 13 şəhərinə KÜTLƏVİ HÜCUM, Ukrayna bu əraziləri AZAD etdi - CANLI
Ukrayna Silahlı Qüvvələrinin 425-ci “Skala” adlı ayrı-ayrı hücum alayının hərbçiləri Dnepropetrovsk vilayətinin Yeqorovka kəndində və onun ətrafında fəaliyyət göstərən rus diversiya-kəşfiyyat qruplarını zərərsizləşdirib. Bu barədə Ukrayna Silahlı Qüvvələri məlumat yayıb.
Bildirilib ki, döyüşlər nəticəsində onlarla rus hərbçisi məhv edilib. Hazırda yaşayış məntəqəsində düşmən qüvvələri qalmayıb.
Zəbt olunmuş ərazi tam nəzarətə götürüldükdən sonra Ukrayna hərbçiləri kənddə Ukrayna bayrağını ucaldıblar.
Rusiyanın hava hücumundan müdafiə sistemləri isə bir gündə 350 Ukrayna dronunu vurub. Rusiya Müdafiə Nazirliyinin açıqlamasında bildirilib. Qeyd olunub ki, tək elə ötən gecə ərzində 193 Ukrayna PUA zərərsizləşdirilib.
PUA-lar Moskva və Moskva vilayəti, Bryansk, Kaluqa, Tula, Kursk, Belqorod, Orlov, Rostov, Voronej, Orenburq, Tambov, Lipetsk və Samara vilayətinin hava məkanlarında vurulub.
Bundan başqa, Rusiya MN-dən o da bildirilib ki, Rusiya ordusu Dnepropetrovsk və Zaporojye vilayətlərinin sərhədində yerləşən Yeqorovka, Privolnoe, və Novonikolaevka yaşayış məntəqələrini ələ keçirib.
TVMusavat-ın bu gün saat 16:00-da canlı yayımlanan “Həftə içi” verilişində aparıcı Emil Salamoğlu gündəmi analitik Qədir Aslanla müzakirə edir.
XƏBƏR LENTİ
27 Oktyabr 2025
ŞƏRHLƏRŞƏRH YAZ