Onlayn ictimai-siyasi qəzet
Rusiyada SSRİ xiffəti - Putinə dağılmış ittifaqın bayrağının qaldırılmasını izlətdilər
Rusiya prezidenti Vladimir Putin Sankt-Peterburqun 300 illiyi parkında Rusiya Federasiyası, SSRİ və Rusiya imperiyasının bayraqlarının qaldırılması ilə bağlı təşkil olunmuş təntənəli mərasimdə iştirak edib.
Nusavat.com Rusiya mediasına istinadla xəbər verir ki, bu barədə Kremlin mətbuat xidməti rəsmi saytında məlumat yayıb.
Bildirilir ki, şənbə günü, iyunun 17-də dövlət başçısı Finlandiya körfəzinə səfər edib, "Oxta" yaxtasının göyərtəsindən "Laxta mərkəzi"nin yaxınlığında üç bayrağın qaldırılmasını izləyib.
Putini gəminin göyərtəsində Rusiyanın “Qazprom Neft” şirkətinin baş direktorunun müavini, “Qazprom Laxta” şirkətinin baş direktoru Yelena İlyuxina qarşılayıb.
İlyuxina izah edib ki, Putinin fəxri qonağı olduğu bayraqqaldırma mərasimi tarixi dönəmlərə həsr olunub - Rusiya imperiyasının bayrağının 165, SSRİ bayrağının 100 və üçrəngli bayrağın 330 illiyinə.
Bundan əvvəl, Rusiya günündə Putin vətəndaşlara əcdadlarının şücaətlərini xatırlamağın və adət-ənənələri qorumağın vacibliyini xatırladıb.
Musavat.com
XƏBƏR LENTİ
06 Oktyabr 2024
ŞƏRHLƏRŞƏRH YAZ