Onlayn ictimai-siyasi qəzet
Rusiya Zaporojye vilayətinin sakinlərini işğal altındakı digər rayonlarına köçürmək istəyir.
Musavat.com xarici agentliklərə istinadən xəbər verir ki, bu barədə Rusiyanın Zaporojyedə “təyin etdiyi” “qubernator” Yevgeni Balitski məlumat yayıb. Onun sözlərinə görə, insanların işğal altındakı Krıma və Rusiyanın öz regionlarına təxliyəsi bu gün nəzərdə tutulmayıb.
Qeyd edək ki, Xerson sakinlərinin doğma yurdlarından köçürülməsinə hələ bu ilin oktyabr ayından başlanlıb. Halbuki bundan əvvəl Xerson sakinlərinə “istirahət və sağlamlıq üçün” Rusiyaya getməyi təklif edirdilər. Noyabrda rus qoşunları Ukrayna ordusunun uğurlu əks-hücum əməliyyatı nəticəsində Xersondan və ümumiyyətlə, Dnepr çayının sağ sahilindən geri çəkilib.
Bu ilin may ayında hakim “Vahid Rusiya” partiyasının Baş Şurasının katibi Andrey Turçak işğal olunmuş Xerson vilayətinə səfəri zamanı “Rusiya həmişəlik buradadır” demişdi. Avqust ayında isə şəhərdə “Xerson əbədi Rusiya ilə” yazısı ilə plakatlar asılmışdı.
Turçak Rusiyanın hətta formal olaraq ilhaq etmədiyi Xarkov vilayətinin Kupyansk şəhərinə Rusiyanın “əbədi” gəlməsindən də danışırdı. Tezliklə rus qoşunları həmin şəhəri də tərk etməyə məcbur oldular.
Musavat.com
14 Oktyabr 2024
01:40 Bakıdan qovulan İran mollası Cəmkəranda ortaya çıxdı və Livana yavan çörək təklif etdi - VİDEO
13 Oktyabr 2024
ŞƏRHLƏRŞƏRH YAZ