Onlayn ictimai-siyasi qəzet
Rusiya taxıl ixracına qadağa qoya bilər
Rusiya hökuməti taxıl ixracına qadağa qoymağı düşünür.
Musavat.com xəbər verir ki, söhbət buğda, arpa, qarğıdalı və çovdardan gedir.
Hazırda Rusiya Kənd Təsərrüfatı Nazirliyi ölkədə taxıl ehtiyatının monitorinqini aparır.
“İzvestiya” xəbər verir ki, əgər taxıl ehtiyatı 10 milyon ton səviyyəsinə düşərsə, o zaman Rusiya ixraca müvəqqəti qadağa tətbiq edə bilər.
Belə ki, 80-85 milyon ton istehlakla 10 milyon ton ay yarıma kifayət etməlidir.
Eyni zamanda, 2023-cü ildə Rusiya tarlalardan 147 milyon ton taxıl yığmalıdır. Bunun da 65 milyon tonu ixrac oluna bilər.
Əvvəllər bildirilirdi ki, 2023-cü il dekabrın 1-dən Rusiyadan bərk buğdanın ixracına qadağa qoyulacaq. Müvafiq qərarı Rusiya hökumətinin gömrük və tariflərin tənzimlənməsi üzrə alt komitəsi qəbul edib.
Qadağa 31 may 2024-cü ilə qədər qüvvədə olacaq. Nazirlər Kabineti hesab edir ki, belə bir tədbir Rusiyada ərzaq təhlükəsizliyini təmin edəcək və Rusiya bazarında taxıl məhsullarının qiymətlərini də özündə ehtiva edəcək.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ