İnsanlara hürriyət, millətlərə istiqlal!

Rusiya separatçı bölgəni qoruyacağını vəd etdi: "Təxribat baş versə..."

"Rusiya ordusu tanınmamış Dnestryanı bölgəsində Ukraynanın təxribat törədəcəyi təqdirdə reaksiya verəcək və bölgə əhalisini qoruyacaq".

Musavat.com Rusiya mediasına istinadla xəbər verir ki, belə bir addımı Rusiya xarici işlər nazirinin müavini Mixail Qaluzin vəd edib.

Diplomatın sözlərinə görə, şübhəsiz ki, Rusiya Federasiyasının hərbçiləri öz həmvətənlərini, Rusiya sülhməramlılarını, bölgənin hərbi qüvvələrini və Kolbasna kəndindəki hərbi anbarları müdafiə edəcəklər. "Onların təhlükəsizliyinə təhdid yaradan hər hansı hərəkət beynəlxalq hüquqa uyğun olaraq Rusiya Federasiyasına hücum kimi qiymətləndiriləcək", - o qeyd edib.

Qaluzin deyib ki, Moskvada Ukrayna Silahlı Qüvvələrinin (AFU) Dnestryanı sərhədləri yaxınlığında cəmləşməsi ilə bağlı məlumatlar var. O əlavə edib ki, region ətrafında vəziyyət mürəkkəbdir, lakin hazırda birbaşa hərbi toqquşma təhlükəsi yoxdur. “Ukrayna hakimiyyətinin münaqişəni Qərb ağalarının dağıdıcı planlarının xeyrinə genişləndirmək üçün avantürist kursunu nəzərə alsaq, hadisələrin inkişafı üçün hər hansı ssenarini istisna etmək olmaz”, - deyə nazir müavini yekunlaşdırıb.

Bundan əvvəl tanınmamış "Dnestyanı respublika"nın rəhbəri Vadim Krasnoselski Kiyevin Tiraspola qarşı silahlı təxribat hazırlaması ilə bağlı məlumatlar fonunda Ukrayna ordusunun birbaşa təcavüzü ehtimalını dəyərləndirib. Onun sözlərinə görə, hazırda sərhəddə Ukrayna hərbçilərinin canlı qüvvəsi və texnikası yoxdur.

Musavat.com

 

ŞƏRHLƏRŞƏRH YAZ

Şərh yoxdur

XƏBƏR LENTİ

07 Oktyabr 2024

06 Oktyabr 2024

BÜTÜN XƏBƏRLƏR