Onlayn ictimai-siyasi qəzet
Rusiya Odessada yaşayış binasını VURDU - Dəhşətli partlayış
Ukraynanın Odessa şəhəri gecə saatlarında Rusiya istehsalı olan kamikadze dronlarının hücumuna məruz qalıb.
Musavat.com xəbər verir ki, yerli hakimiyyət orqanlarının məlumatına görə, hücum nəticəsində 9 mərtəbəli yaşayış binası və mülki infrastruktur obyektləri zərər görüb. Bir neçə mənzildə yanğın baş verib, 6 mənzil tamamilə dağılıb, 36 mənzil isə qismən zədələnib.
Fövqəladə hallar xidmətləri tərəfindən binadan 50 sakin təxliyə edilib.
Hadisə nəticəsində 5 nəfər xəsarət alıb, onlardan 2-si uşaqdır. Uşaqların yanıq məhsulları ilə zəhərləndiyi və xəstəxanaya yerləşdirildiyi bildirilib.
Ukrayna Silahlı Qüvvələrinin verdiyi məlumata görə, gecə ərzində Ukrayna ərazisinə 52 Rusiya PUA-sı ilə hücum təşkil olunub, onlardan 40-ı məhv edilib.
7 fərqli lokasiyada birbaşa dron zərbələri, daha bir yerdə isə vurulmuş dronun qalıqlarının düşməsi nəticəsində dağıntı qeydə alınıb.
Musavat.com
XƏBƏR LENTİ
12 Oktyabr 2025
11 Oktyabr 2025
ŞƏRHLƏRŞƏRH YAZ