Onlayn ictimai-siyasi qəzet
Rusiya-Ermənistan universiteti yaradılır: Moskva universitet, İrəvan fond deyir...
Rusiya hökuməti Ermənistanla İrəvanda fəaliyyət göstərəcək Rusiya-Ermənistan Universitetinin fəaliyyətinə dair sazişi ratifikasiya üçün Dövlət Dumasına təqdim edib.
Musavat.com İnterfaks-a istinadən xəbər verir ki, sənəd Rusiya parlamenti palatasının qanunvericilik fəaliyyəti məlumat bazasında yerləşdirilib.
Müqavilə 2024-cü il dekabrın 20-də Moskvada imzalanıb. Sənədə əsasən o, Rusiya hökuməti ilə Ermənistan hökuməti arasında İrəvanda Rusiya-Ermənistan Universitetinin yaradılması və fəaliyyətinin şərtləri haqqında 29 avqust 1997-ci il tarixli sazişə əsasən yaradılmış Universitetə münasibətdə hüquqi tənzimləmənin davamlılığını təmin edir: “Müqavilə Universitetin pedaqoji, elmi, təsərrüfat və maliyyə fəaliyyətini daha da təkmilləşdirmək, onun təsisçilərinin maraqlarını nəzərə almaqla Universitetin idarə edilməsi alətlərini gücləndirmək, habelə Rusiya Federasiyasının Ermənistan Respublikasında və qlobal humanitar məkanda müsbət imicini gücləndirmək məqsədi daşıyır”.
Müqavilədə Rusiya qanunvericiliyində nəzərdə tutulmuş qaydalardan başqa qaydalar var. Xüsusilə müqavilənin 1-ci maddəsində universitetin Rusiyada ali təhsil üzrə federal dövlət təhsil təşkilatı statusuna malik olması nəzərdə tutulur. Bundan əlavə, Ermənistan qanunvericiliyinə uyğun olaraq, universitet Ermənistanın dövlət universitetidir və fond statusuna malikdir.
Musavat.com
XƏBƏR LENTİ
09 Iyul 2025
ŞƏRHLƏRŞƏRH YAZ