Onlayn ictimai-siyasi qəzet
Rusiya “Coca-Cola”nı Taliban vasitəsilə alır
Əfqanıstanda hakimiyyəti ələ keçirən Taliban Rusiya Federasiyasına qazlı içki tədarükçüsünə çevrilib.
Musavat.com xəbər verir ki, bu barədə Rusiyanın Əfqanıstandakı səfiri Dmitri Jirnov “RİA Novosti” agentliyinə müsahibəsində bildirib.
Jirnovun sözlərinə görə, Əfqanıstan Rusiyaya qazlı içkilər, enerji içkiləri, ədviyyatlar və plov üçün qazanlar verir.
Müharibənin başlaması ilə Rusiya Federasiyasını tərk edən içkilər arasında “Coca-Cola”, “Sprite” və “Fanta” markaları yer alıb.
“Coca-Cola” şirkətinin Rusiyadakı fəaliyyəti 2022-ci ilin martında dayandırılıb.
Ötən ilin iyul ayına qədər “Coca-Cola HBC Eurasia” MMC-nin adı dəyişdirilərək “Multon Partners” olub və bazara orijinal kola əvəzinə “Dobry Cola” brendi daxil edilib.
Müharibənin 3 ili ərzində Rusiyada “Coca-Cola” təxminən 4 dəfə bahalaşıb.
Musavat.com
XƏBƏR LENTİ
12 Fevral 2025
ŞƏRHLƏRŞƏRH YAZ