Onlayn ictimai-siyasi qəzet
Rus sərhədçiləri Ermənistandan çıxa bilər- SENSASİYA
Ermənistanın xarici işlər nazirinin müavini Paruyr Hovhannisyanın verdiyi məlumata görə, rus sərhədçiləri Ermənistanın Türkiyə və İranla sərhədlərindəki xidmətlərini dayandıra bilərlər.
“Bildiyiniz kimi, Ermənistanın sərhədlərinin nəzarəti həmişə üçüncü ölkə tərəfindən həyata keçirilib. Nəhayət, biz öz sərhədlərimizi özümüz qorumağı bacarmalıyıq,” – deyə Hovhannisyan bildirib.
Musavat.com-un məlumatına görə o həmçinin qeyd edib ki, ABŞ-ın göstərdiyi dəstək Ermənistanın sərhəd nəzarətini təmin etmək qabiliyyətinin artırılmasına yönəlib.
Məsələnin Rusiya sərhədçilərinin çıxarılması ilə bağlı olub-olmadığı sualına isə Hovhannisyan müsbət cavab verib.
Bu açıqlama Ermənistan və Rusiya arasındakı münasibətlərdə gərginliyin artdığı bir dövrdə diqqət çəkir. Eyni zamanda ABŞ-ın Ermənistana sərhəd təhlükəsizliyi sahəsində dəstək verməsi regiondakı geosiyasi balansı dəyişdirə biləcək mühüm bir addım kimi qiymətləndirilir.
Musavat.com
XƏBƏR LENTİ
24 Yanvar 2025
ŞƏRHLƏRŞƏRH YAZ