Onlayn ictimai-siyasi qəzet
Qüdrət Həsənquliyev: “Bu, faktiki olaraq qul əməyidir”
Deputat Qüdrət Həsənquliyev Milli Məclisdəki müzakirələrdə əmək müqaviləsi olmadan müxtəlif sahələrdə çalışan vətəndaşlarımızın acınacaqlı durumundan danışdı.
O bildirdi ki, bu günlərdə onun qəbuluna cənub bölgəsindəki fermer təsərrüfatlarında çalışan vətəndaşlar gəlib. “Adamlar səhərdən-axşamadək tarlada işləyir, amma onlara günə 10 manat əmək haqqı verirlər, onun da 2 manatını yol haqqına çıxırlar. Bu da aylıq 240 manat edir. Artıq işlədilən hər saata görə ən azı Əmək Məcəlləsinin 165-ci maddəsinə görə ikiqat artıq pul ödənilməlidir. Onlar 30 gün işləyib 240 manat alırlar. 155-ci maddəyə görə əmək haqqı minimum əmək haqqından az ola bilməz, o da 300 manatdır”- Q.Həsənquliyev bildirdi.
Deputat əlavə etdi ki, üstəlik, qanunvericiliyə zidd olaraq onları 8 saatdan artıq işlədirlər. “Bu, faktiki olaraq qul əməyidir”, -deyən Q.Həsənquliyev fermerlərə müraciət etdi: “Bu qadınlar sizin ananız, bacınız, qohumunuzdur. Bu cür istismarı necə qəbul edirsiniz? Burda çiyələyin kilosunu 5 manata, hətta daha keyfiyyətlilərini 10 manata satırlar. Amma qadınları işlədib, günə 8 manat verirlər”.
Deputat qeyd etdi ki, qanunvericiliyə dəyişikliyə ehtiyac var: “İmkan vermək olmaz ki, işçiləri şənbə-bazar işlətsinlər. Yaxud biz qanunvericiliyi dəyişməliyik ki, əlavə iş saatına görə işçilərə əlavə ödəniş edilməlidir. Müvafiq icra orqanları ilə bu məsələni müzakirə edib, yaxın vaxtlarda baxa bilərik”.
E.Paşasoy,
Musavat.com
ƏLAQƏLİ XƏBƏRLƏR
XƏBƏR LENTİ
08 Oktyabr 2024
ŞƏRHLƏRŞƏRH YAZ