Onlayn ictimai-siyasi qəzet
“Qızımı öldürməzdən əvvəl “semiçka” da almışdı ki...” - Mədinənin dəhşətli ölümü ilə bağlı DETALLAR + VİDEO
Ağstafanın Vurğun qəsəbəsində 19 yaşlı qadın bıçaqlanaraq qətlə yetirilib.
23 yaşlı Valeh Qədimov həyat yoldaşı 19 yaşlı Mədinə Qədimovanı qətlə yetirməkdə şübhəli bilinir.
M.Qədimovanın valideynləri bildirib ki, qızı ilə kürəkəni arasında əvvəllər də münaqişə baş verib. Valeh isə ailəsi ilə barışmaq üçün tez-tez qayınatasıgilə gəlirmiş. Bu dəfə evdə heç kimin olmadığı vaxt hadisəni törədib.
“Elə getdiyi ilk gündən deyirdi ki, “mama, bu, pis oğlandır, axşamlar məni döyür, əynimə heç nə almır, pis ailədilər, mən bunları istəmirəm”. Bu gün mənim bacım oğlu da nişan aparırdı, ora getmişdik. Kürəkənim də bizdə idi. Bizi anamgilə apardı. Sonra gəlib Mədinə ilə evdə tək oldu. “Semiçka” da almışdı ki, yeyib-içəcəyik. Elə biz ora gedən kimi qızın başını kəsib. Yanında da durub ki, ölsün, sonra gedib polisə məlumat verib”, - mərhumun anası söyləyib.
İlkin məlumata görə, ər arvadına atası evində bir neçə bıçaq zərbəsi endirib. Sonuncu zərbə isə qadının boğaz nahiyyəsindən dəyib. Nəticədə Mədinə aldığı zərbələrdən hadisə yerində həyatını itirib.
Meyit Tibbi ekspertiza və patoloji anatomiya birliyinin Ağstafa Rayon Şöbəsində müayinə olunduqdan sonra ailəsinə təhvil verilib.
Faktla bağlı rayon prokurorluğunda araşdırma aparılır.
XƏBƏR LENTİ
23 Dekabr 2024
ŞƏRHLƏRŞƏRH YAZ