Onlayn ictimai-siyasi qəzet
Qəzadan sonra Çin təyyarələri niyə Azərbaycan üzərindən uçur: Rusiya səması etibarsızlaşır
Çin aviaşirkətləri Qazaxıstanda baş verən təyyarə qəzasından sonra Rusiyanın cənub-qərbindəki hava məkanından istifadə etməməyə çalışırlar. Söhbət Gürcüstan və Macarıstana uçuşlardan gedir.
Musavat.com xəbər verir ki, bu barədə South China Morning Post yazır.
Nəşrin məlumatına görə, Çinin qərbindəki Urumçi şəhəri ilə Gürcüstanın paytaxtı Tbilisi arasında uçuşlar Rusiyanın cənub-qərbində yerləşən Dağıstan regionundan yan keçir. Dekabrın 26-dan isə “China Southern Airlines” və “Air China” aviaşirkətlərinin təyyarələri Xəzər dənizini keçərək Azərbaycan üzərindən Gürcüstanın hava məkanına daxil olub və eyni marşrut üzrə geri qayıdıb.
Macarıstanın paytaxtı Budapeşti Çinin cənubundakı Quançjou ilə birləşdirən Çin Cənub reyslərində də dəyişikliklər baş verib. "China Southern" şirkətinin təyyarələri Xəzər dənizini keçərək Dağıstan üzərindən Macarıstana uçmaq əvəzinə, keçən həftə cənubdan Budapeştə uçmadan əvvəl Rusiyanın mərkəzi və qərbindən keçib. Qeyd edək ki, aviaşirkət bəzən fəlakətdən əvvəl də bu marşrutdan istifadə edirdi.
Bununla belə, əksər Çin aviadaşıyıcıları Rusiya hava məkanından keçən ilkin marşrutlarından istifadə etməyə davam edir.
Şahanə Rəhimli
Musavat.com
XƏBƏR LENTİ
05 Yanvar 2025
04 Yanvar 2025
ŞƏRHLƏRŞƏRH YAZ